اكتسيا باستالعاننان بەرى جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ ينسپەكتورلارى قۇقىق قورعاۋ, تابيعات قورعاۋ ورگاندارىنىڭ جانە قر ۇقك شەكارا قىزمەتىنىڭ قىزمەتكەرلەرىمەن بىرلەسىپ, تابيعات قورعاۋ زاڭناماسىن بۇزۋدىڭ 101 دەرەگىن انىقتادى, سونىڭ ناتيجەسىندە 80 ادام اكىمشىلىك جاۋاپكەرشىلىككە تارتىلدى.
سونىمەن قاتار, 4 ءىس اكىمشىلىك سوت ورگاندارىنا جولداندى. زاڭسىز بالىق اۋلاۋ دەرەگى بويىنشا 4 قىلمىستىق ءىس قوزعالدى. ءتارتىپ بۇزۋشىلارعا 1,5 ملن. تەڭگە ايىپپۇل سالىندى.
زاڭسىز اينالىمنان 911 كگ بالىق جانە 33 بىرلىك بالىق اۋلاۋ قۇرالدارى, 33 بىرلىك سۋدا ءجۇزۋ قۇرالدارى الىندى. وزەن ارناسى مەن تەڭىز اكۆاتورياسىن كۇندەلىكتى ءسۇزۋ جۇمىستارى ناتيجەسىندە سۋ قويمالارىنان 94 بىرلىك زاڭسىز بالىق اۋلاۋ قۇرالدارىنان تازارتىلدى.
ەستەرىڭىزگە سالا كەتەيىك, كەڭ اۋقىمدى «بەكىرە-2022» بالىق قورعاۋ اكتسياسى جىل سايىن ءداستۇرلى تۇردە وڭىردەگى بارلىق قۇقىق جانە تابيعات قورعاۋ ورگاندارىنىڭ تىكەلەي قاتىسۋىمەن ءساۋىر مەن مامىر اي ارالىعىندا وتەدى.
