«بيىل بيۋدجەتتىڭ كىرىس بولىگىن 955 ملرد تەڭگەگە ۇلعايتتىق. نەگىزگى ءوسىم, ارينە, ءبىز ەكسپورتتايتىن تاۋارلار باعاسىنىڭ ءوسىمى ەسەبىنەن, ماكروكورسەتكىشتەردىڭ ءوسىمى ەسەبىنەن بولدى. 2021 جىلمەن سالىستىرساق, ءوسىم 38% بولىپ وتىر. بۇل - وتە جاقسى ديناميكا. ارينە, سالىقتىق اكىمشىلەندىرۋدىڭ ۇلەسى دە بار. كىرىستەر مەن بولجامداردى ۇلعايتۋ بولىگىندە مەملەكەت باسشىسىنىڭ تاۋ-كەن وندىرىسىنە سالىق ستاۆكالارىن ۇلعايتۋ تۋرالى تاپسىرماسى بار. قازىرگى قولدانىستا مولشەرلەمە 1 تەڭگە بولاتىن. ءبىز ونى 10 ەسە ارتتىرۋدى ۇسىنامىز», دەدى ۆيتسە-مينيستر ماجىلىستە جاڭا زاڭ جوباسىنىڭ تانىستىرىلىمىندا.
ونىڭ ايتۋىنا قاراعاندا, سالىق ماينينگ وكىلدەرىنىڭ ءوندىرىس كولەمىنە قاراي سارالانعان نەگىزدە ۇلعايتىلماق.
«سالىقتى بىردەن 10 ەسە كوتەرە سالايىق دەپ وتىرعان جوقپىز. بۇل تۇتىنالتىن ەلەكترۋ قۋاتىنىڭ مولشەرىنە, قۇنىنا بايلانىستى ەسەپتەلەدى. ەلەكتر قۋاتىنا جۇمسايتىن شىعىنى نەعۇرلىم كوپ بولسا, تولەيتىن سالىعى سوعۇرلىم از بولادى. بىراق بۇل اشىق جۇمىس ىستەيتىن ماينەرلەرگە قاتىستى. ءبىز قازىر پرەزيدەنتتىڭ تاپسىرماسى بويىنشا سالىق كودەكسىنە تۇزەتۋ ەنگىزەتىن زاڭ جوباسىن ازىرلەپ جاتىرمىز. تۇجىرىمداما بەكىتىلدى. قازىر زاڭ جوباسى مەملەكەتتىك ورگانداردىڭ ماقۇلداۋىنا جىبەرىلدى. ايدىڭ سوڭىنا قاراي نەمەسە مامىر ايىندا وسى زاڭ جوباسىمەن ماجىلىسكە كەلەمىز», دەدى ءمينيستردىڭ ورىنباسارى
ايتا كەتەيىك, بۇعان دەيىن قر ۇلتتىق ەكونوميكا ءمينيسترى الىبەك قۋانتىروۆ جۋرناليستەرگە ۇلتتىق قوردان كەپىلدەندىرىلگەن ترانسفەرتتى ناقتىلاۋ نە ءۇشىن قاجەت بولعانىن تۇسىندىرگەن بولاتىن.
