«قۇرمەتتى دوستار!
سىزدەرمەن بولىسەر جاقسى جاڭالىعىم بار.
بۇگىننەن باستاپ ەلىمىزدىڭ ەڭ ءىرى كونتسەرتتىك ۇيىمى – «روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىنىڭ باسشىسى قىزمەتىنە كىرىستىم.
وزدەرىڭىز بىلەتىندەي, 60 جىلدىق تاريحى بار بۇل ۇيىم – قازاق مۋزىكالىق ونەرىنىڭ قارا شاڭىراعىنا اينالعان ۇلكەن مەكەمەلەردىڭ ءبىرى. 2016 جىلدان بەرى ۇيىمنىڭ باس كەڭسەسى ەلورداداعى «قازاقستان» ورتالىق كونتسەرت زالىندا ورنالاسقان. 2021 جىلى ۇيىمعا كسرو جانە قازاقستاننىڭ حالىق ءارتىسى, حالىق قاھارمانى روزا باعلانوۆانىڭ ەسىمى بەرىلدى.
قازاقكونتسەرت ۇيىمىندا ەلىمىزدىڭ ۇزدىك ارتىستەرى مەن شىعارماشىلىق ۇجىمدارى باس قوسقان. قازاقكونتسەرتتە بارلىق مۋزىكالىق ونەردىڭ جانرلارى ۇسىنىلعان: فولكلور, كلاسسيكا, ەسترادا, ميۋزيكل تەاترى.
الداعى ۋاقىتتا وسى كونتسەرتتىك ۇيىمنىڭ جانە قازاق مۋزىكا ونەرىنىڭ وركەندەۋىنە ءوز ۇلەسىمدى قوسىپ, «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس حالىق پەن مادەنيەتتىڭ اراسىندا تىكەلەي ديالوگ ورناتىپ, جاڭا قازاقستاندى قۇرۋعا ءوز كۇشىمدى سالامىن. جالپى, مۋزىكا ونەرىن حالىققا قولجەتىمدى ەتىپ, مادەنيەتتى ناسيحاتتاپ جۇرگەن «قازاقكونتسەرت» ۇيىمى مەن ءۇشىن جات ورتا ەمەس. سوندىقتان مادەنيەت سالاسىنداعى ۇزاق جىلعى تاجىريبەم دە, شىعارماشىلىق قابىلەتىم دە وسى ماقساتتىڭ جۇزەگە اسىرىلۋىنا باعىتتالادى», دەلىنگەن ەكس-ءمينيستردىڭ حابارلاماسىندا.
