ايماقتار • 06 ءساۋىر، 2022

قاراعاندى قارعىن سۋدىڭ الدىن الدى

34 رەت كورسەتىلدى

ناۋرىز ايىنىڭ سوڭىنا تامان قار مولىنان جاۋىپ، ودان كەيىن كۇن كۇرت جىلىدى دا، قاراعاندى قالاسىنداعى وڭتۇستىك-شىعىس شاعىن اۋدانىنىڭ سىرتىنداعى ويپاڭ جەرلەردە قارعىن سۋدىڭ مول قورى پايدا بولدى، دەپ جازادى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

اۋلالار مەن كوشەلەردى سۋ باسۋ قاۋپىنىڭ الدىن الۋ ماقساتىندا توتەنشە جاعداي جانە كوممۋنالدىق قىزمەتتەر كۇشىمەن ەكى جاساندى بوگەت سالىنعان بولاتىن. بىراق سوعان قاراماستان، سۋدىڭ ءبىرشاما بولىگى قالانىڭ شەتكى كوشەلەرىنە ەنىپ كەتتى. وسىعان بايلانىستى، ەلەكتر سىمدارىنىڭ تۇيىقتالۋ قاۋپى تونگەندىكتەن، جەرتولەسىنە سۋ كىرگەن بىرنەشە ءۇيدىڭ تۇرعىنى قاۋىپسىز جەرلەرگە كوشىرىلدى.

سونداي-اق ءا.بوكەيحان اۋدانىنداعى كوپقاباتتى ۇيلەردىڭ جانىنداعى توپىراق ءۇيىندىسىن ەكى جەردەن سۋ بۇزىپ ءوتىپ، بىرنەشە ءۇيدى سۋ باسۋ قاۋپى ءتوندى. سول سەبەپتى، قۇتقارۋشىلار ماڭايداعى ۇيلەردىڭ تۇرعىندارىن جاقىن جەردەگى №56 ورتا مەكتەپكە كوشىردى.

قاراعاندى قالاسىنىڭ اكىمى ەرماعانبەت بولەكپاەۆ ەرىگەن قار سۋى جينالعان جەرلەردە كوممۋنالدىق قىزمەت بريگادالارى مەن قۇتقارۋشىلاردىڭ ۋاقىتپەن ساناسپاي، كۇنى-ءتۇنى جۇمىس ىستەپ جاتقانىن ايتادى.

– قالاداعى تاتتىمبەت - مۇقانوۆ كوشەلەرىنىڭ قيىلىسىندا ونشاقتى جۇك تيەگىش، 35 جۇك تاسىعىش كولىگى، 50-گە تارتا ادام جۇمىس ىستەپ ءجۇر. تۇسكى ۋاقىتتا اققان سۋ كەشەگىدەن ءۇش ەسەدەي كۇشتى بولدى. ەكى بىردەي بوگەتتى بەكىتكەن ەدىك،  ولار كەمەرىنە دەيىن تولىپ، سۋ باسۋ قاۋپى پايدا بولدى. بۇعان جول بەرمەۋ ءۇشىن ءبىز ەكى جەردەن ويىق جاسادىق، – دەدى قالا اكىمى قالىپتاسقان جاعدايعا تۇسىنىك بەرىپ.

پ

مىنە، وسىنداي جەدەل ارەكەتتىڭ ناتيجەسىندە كوممۋنالدىق قىزمەتتەر اۋلالارعا بارىپ جاتقان سۋ اعىنىن توقتاتا الدى. ال ءتۇن مەزگىلىندە ءۇيىندى بىلىكتەر نىعايتىلدى. دەگەنمەن، قارعىن سۋدىڭ مول بولعاندىعى سونشا، سۋ اعىنىنىڭ بويىنداعى بىرنەشە ۇيگە زاقىم كەلىپ، جەرتولەلەرگە سۋ تولىپ كەتتى. قازىرگى ۋاقىتتا سۋدى سورعىلاۋمەن ءۇش بريگادا اينالىسۋدا.

جالپى، سۋ تاسىعان كەزدەن بەرى قاراعاندىدا كارىز اعىندارى، قارعىن جانە جەر استى سۋلارىنىڭ اۋلالار مەن كوشەلەردى باسۋى تۋرالى 194 حابارلاما تىركەلدى. اپاتتى جاعدايدىڭ الدىن الۋ جۇمىستارىنا جەرگىلىكتى اتقارۋشى ورگانداردىڭ، جول ۇيىمدارىنىڭ، «قاراعاندى سۋ» جشس جانە وبلىستىق تجد-ءنىڭ كۇشتەرى مەن قۇرالدارى تارتىلىپ، 206 ادام مەن 85 تەحنيكا بىرلىگى جۇمىلدىرىلدى.

كەشە قاراعاندى وبلىسىنىڭ اكىمى جەڭىس قاسىمبەك وڭتۇستىك-شىعىس شاعىن اۋدانىنداعى سۋ باسقان كوشەلەردى ارالاپ، شيەلەنىستى جاعدايمەن جان-جاقتى تانىستى. ءتيىستى تاپسىرمالار بەرىپ، احۋالدى تىكەلەي ءوزىنىڭ باقىلاۋىندا ۇستايتىنىن ايتتى. قازىرگى ۋاقىتتا قۇتقارۋشىلار تاسقىننان كەلەتىن ەلەۋلى قاۋىپتىڭ جوقتىعىن ايتىپ وتىر. وڭىردەگى سۋ تاسقىنىنىڭ جاعدايى تاۋلىك بويى باقىلاۋعا الىنعان.

پ

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار