كاتالين رادۋ - 25 جىلدان استام تاجىريبەسى بار اۆياتسيا سالاسىنىڭ مامانى.
سوڭعى 7 جىل ىشىندە ول ۇشۋ قاۋىپسىزدىگى مەن تيىمدىلىگىن ارتتىرۋ ماقساتىندا ونىڭ دامۋىن ۇيلەستىرۋگە جاۋاپتى يكاو – حالىقارالىق ازاماتتىق اۆياتسيا ۇيىمى ديرەكتورىنىڭ ورىنباسارى بولدى.
2011 جىلدان 2014 جىلعا دەيىن رادۋ ەۋروپالىق ازاماتتىق اۆياتسيا كونفەرەنتسياسىنىڭ پرەزيدەنتى بولدى. ال 2007-2014 جىلدارى رۋمىنيا ازاماتتىق اۆياتسياسىنىڭ باس ديرەكتورى قىزمەتىن اتقاردى. سونداي-اق ەۋروپالىق ازاماتتىق اۆياتسيا كونفەرەنتسياسىنىڭ (ECAC) پرەزيدەنتى, ەۋروپالىق اەروناۆيگاتسيا قاۋىپسىزدىگى ۇيىمىنىڭ (EUROCONTROL) ۆيتسە-پرەزيدەنتى, يكاو اسسامبلەياسىنىڭ 37-ءشى سەسسياسىنىڭ ۆيتسە-پرەزيدەنتى جانە ECAC سىرتقى بايلانىستار جانە قاۋىپسىزدىك ماسەلەلەرى جونىندەگى ۇيلەستىرۋشىسى لاۋازىمدارىن اتقاردى.
كاتالين رادۋ ءوزىنىڭ اۆياتسياداعى مانسابىن 1996 جىلى رۋمىنيا ازاماتتىق اۆياتسيا باسقارماسىندا ۇشۋعا جارامدىلىق ينسپەكتورىنان باستاعان.
كاتالين رادۋ - بۋحارەست پوليتەحنيكالىق ۋنيۆەرسيتەتىنىڭ تۇلەگى (اەروعارىشتىق ينجەنەريا فاكۋلتەتى, اەروناۆتيكا فاكۋلتەتى), اەروناۆتيكا جانە عارىش كەڭىستىگى جوعارى ينستيتۋتىنىڭ ماگيستراتۋراسىندا وقىعان (تۋلۋزا ق., فرانتسيا), عىلىم دوكتورى عىلىمي دارەجەسى بار. ول سونىمەن قاتار گارۆارد ۋنيۆەرسيتەتىنىڭ ستراتەگيالىق باسقارۋ سالاسىنداعى جەتەكشى ديپلومىن الدى.
كاتالين رادۋ حالىقارالىق مەكەمەلەردەگى باسشىلىق قىزمەتتەردەگى مول تاجىريبەسىنىڭ ارقاسىندا الەمدىك اۆياتسيا يندۋسترياسىنا جوعارى دەڭگەيدەگى جەتەكشى رەتىندە تانىمال. كاتالين رادۋدىڭ باسشىلىعىمەن حالىقارالىق اۆياتسياداعى زاماناۋي ستاندارتتار مەن رەگلامەنتتەر ازىرلەنىپ, ەنگىزىلدى.
«قازاقستاننىڭ اۆياتسيالىق اكىمشىلىگى» اق 2019 جىلى مەملەكەتتىڭ 100%-دىق قاتىسۋىمەن قۇرىلدى. قر ۇكىمەتىنىڭ 2019 جىلعى 25 شىلدەدەگى № 530 قاۋلىسىمەن ازاماتتىق اۆياتسيا سالاسىنداعى ۋاكىلەتتى ۇيىم بولىپ ايقىندالدى. نەگىزگى قىزمەتى – ۇشۋ قاۋىپسىزدىگى جانە اۆياتسيالىق قاۋىپسىزدىك سالاسىنداعى تەحنيكالىق باقىلاۋ جانە قاداعالاۋ. ااك حالىقارالىق اەروناۆيگاتسيالىق الىمدار ەسەبىنەن قارجىلاندىرىلادى.
