72 جاستاعى قاريا قاراشاعا دەيىن بۇكىل ەلدى ارالاپ, قولدانبالى ونەر شەبەرلەرىمەن كەزدەسىپ, باسقا وڭىرلەردىڭ تۇرعىندارىن ۇلىتاۋ اۋدانىنىڭ تاريحىمەن جانە كيەلى جەرلەرىمەن تانىستىرۋعا نيەتتى.
جوسپار بويىنشا, ول كۇنىنە 40 شاقىرىم جول جۇرەدى.
«مەن بۇل مارافونعا جەتى جىل بويى دايىندالدىم. مەنىڭ ماقساتىم – قولونەر شەبەرلەرىمەن كەزدەسىپ, حالىقتى ۇلىتاۋ تاريحىمەن تانىستىرۋ. سونىڭ ىشىندە «كوكمايسا» فەستيۆالىن ناسيحاتتاۋ دا بار. مەن قازاقستاننىڭ بارلىق وڭىرلەرىن اينالىپ ءوتۋدى جوسپارلاپ وتىرمىن. قىزىلوردا, تۇركىستان, شىمكەنتتەن باستايمىن. ءارى قاراي تاراز, الماتى, تالدىقورعان قالالارىنا جول تارتامىن. قازاقستاننىڭ ۇزدىك قولونەرشىلەرىنىڭ ءتىزىمىن جاساعىم كەلەدى. مەنىڭ بۇكىل باعىتىم الەۋمەتتىك جەلىلەردە جاريالانادى», دەيدى ساياحاتشى.
قاريانىڭ جاياۋ مارافونى « ۇلىتاۋعا باردىڭ با؟» دەپ اتالادى. الىس جولعا شىعار الدىندا سارسەنباي قوتىراشوۆ « ۇلىتاۋ» مۇراجاي-قورىعىنداعى ارىپتەستەرىمەن كەزدەسىپ, ءوزىنىڭ باعىتى تۋرالى ايتىپ بەردى.
