الماتى-1 ستانتسياسىنداعى كولىك پوليتسياسىنىڭ قىزمەتكەرلەرى جەدەل ىزدەستىرۋ ءىس-شارالارى بارىسىندا تەمىر جولدان بەس مەتر قاشىقتىقتا قاراۋسىز قالعان عيماراتتان 12 كاليبرلى «فورد 500» ماركالى تەگىس ۇڭعىلى قارۋ ء(نومىرى وشىرىلگەن), 60 پاترون, بروندى كەۋدەشە جانە «حيوتەي» ماركالى راديوستانتسياسىن انىقتاپ, تاركىلەدى. قارۋ-جاراق پەن وق-دارىلەر كورپەگە ورالىپ, ۇستىنە قوقىس تاستالىپ, قۇم سەبىلگەن.
«اتالعان دەرەك بويىنشا قر قك 287-بابىنا (قارۋ مەن وق-دارىلەردى زاڭسىز ساقتاۋ) سايكەس سوتقا دەيىنگى تەرگەۋ امالدارى جۇرگىزىلۋدە. قازىرگى ۋاقىتتا قىلمىسقا قاتىسى بار انىقتالۋدا. الىنعان زاتتاي دالەلدەمەلەر ساراپتاماعا جىبەرىلدى», دەدى كولىكتەگى پوليتسيا دەپارتامەنتىنىڭ باستىعى وڭال بەكەەۆ.
