قازاقستان • 01 ءساۋىر، 2022

سۋ تاسقىنى: 227 ەلدى مەكەن قاۋىپتى ايماقتا تۇر

540 رەت كورسەتىلدى

ۇكىمەت باسشىسى ءاليحان سمايىلوۆقا قازاقستانداعى سۋ تاسقىنى جاعدايى تۋرالى باياندالدى. قر توتەنشە جاعدايلار ءمينيسترى يۋري ءيليننىڭ ايتۋىنشا، قازاقستاندا 227 ەلدى مەكەن قاۋىپتى ايماقتا تۇر، دەپ حابارلايدى Egemen.kz

«تجم باسشىسى حابارلاعانداي، بۇگىندە قازاقستاندا 227 ەلدى مەكەن قاۋىپتى ايماقتا تۇر. سۋ باسۋ فاكتىسىنە ءۇش سەبەپ اسەر ەتتى. بۇل قاردى ۋاقتىلى شىعارۋ، تازارتىلماعان ارىقتار مەن ەرىگەن سۋلار. قازىرگى ۋاقىتتا سۋ باسۋ قاۋپى ەلدىڭ سولتۇستىك جانە باتىس وڭىرلەرىندە ساقتالۋدا»، دەلىنگەن قر پرەمەر-ءمينيسترىنىڭ ءباسپاسوز قىزمەتى تاراتقان حابارلامادا.

ەلدى مەكەندەردى سۋ تاسقىنىنان قورعاۋ ماقساتىندا 2017 جىلى 2021-2023 جىلدارعا ارنالعان سۋ تاسقىنىنا قارسى ءىس-شارالاردىڭ جول كارتاسى ازىرلەنىپ، بەكىتىلدى.

جول كارتاسى شەڭبەرىندە 2021 جىلى ىسكە اسىرۋ جوسپارلانعان 68 ءىس-شارانىڭ 33-ءى جانە تورتەۋى-جوسپارلانعان مەرزىمنەن بۇرىن ورىندالدى.

«جالپى، ەل بويىنشا سۋ تاسقىنى قاۋپى بار 1010 ەلدى مەكەننىڭ 285-ءى ءۇشىن سۋ باسۋدىڭ ىقتيمال قاۋپى ساقتالادى. بۇل رەتتە قاۋىپ 340-تان الىنىپ، 385 ەلدى مەكەن ءۇشىن بارىنشا ازايتىلدى. 31 ناۋرىزداعى جاعداي بويىنشا قار جامىلعىسى 47% قۇرايدى»، دەپ ناقتىلادى ۆەدومستۆو.

بيىلعى جىلى جىلىنۋدىڭ العاشقى تولقىنى كەزىندە شقو، بقو، اتىراۋ وبلىستارىنداعى اۆتوموبيل جولدارىنىڭ ءۇش ۋچاسكەسىن سۋ باسۋ فاكتىلەرى تىركەلدى.

ەكىنشى تولقىننىڭ ناتيجەسىندە قالىڭ قاردىڭ ەرۋىنە بايلانىستى پاۆلودار وبلىسىنىڭ روجدەستۆەنكا اۋىلىنداعى ەكى تۇرعىن ءۇي، بقو شالعىن اۋىلىنداعى 25 ءۇي مەن ەكى الەۋمەتتىك نىسان (قوسكول كەنتىندەگى حالىقتى ەۆاكۋاتسيالاۋ جۇرگىزىلدى)، اقتوبە جانە باتىس قازاقستان وبلىستارىنداعى اۆتوموبيل جولدارىنىڭ ءۇش سۋ شايىپ كەتۋى ورىن الدى.

اقتوبە، پاۆلودار وبلىستارىنىڭ، بقو جانە سقو اكىمدەرى سمايىلوۆقا سۋ باسقان اۋماقتاردى قالپىنا كەلتىرۋ بويىنشا قابىلدانىپ جاتقان شارالار تۋرالى باياندادى.

«قر پرەمەر-ءمينيسترى جول كارتاسىن ىسكە اسىرۋدى جەدەلدەتۋدى، كەلىپ تۇسكەن شاعىمدارعا جەدەل دەن قويۋدى، سۋ باسۋدىڭ بارلىق تاۋەكەلدەرىن الىپ تاستاۋدى تاپسىردى. سونداي-اق ازاماتتاردىڭ قاۋىپسىزدىگىن قامتاماسىز ەتۋ ءۇشىن بارلىق شارالاردى جۇزەگە اسىرۋعا ەرەكشە نازار اۋدارۋ قاجەت. ءوڭىر باسشىلارىنا بۇل ماسەلەنى ەرەكشە باقىلاۋعا الۋ تاپسىرىلدى»، دەلىنگەن حابارلامادا.

30 ناۋرىزدا ساعات 21:00-دە اتىراۋ وبلىسى قىزىلقوعا اۋدانى ساعىز اۋىلىندا ەرىگەن قار سالدارىنان نوعايتى وزەنىندە سۋ تاسقىنى بولدى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار