ينفوگرافيكانى جاساعان امانگەلدى قياس, «ەQ»
پرەزيدەنت ق.توقاەۆ ءوزىنىڭ ۇلىقتاۋ سوزىندە بەرگەن ۋادەلەرىنە سايكەس جانە بۇرىنعى پرەزيدەنت نۇرسۇلتان نازارباەۆتىڭ 30 جىل ىشىندە مەملەكەتتىك قۇرىلىستاعى كورنەكتى جەتىستىكتەرىنە سۇيەنە وتىرىپ, وركەندەگەن, دەموكراتيالىق مەملەكەتتى قۇرۋ يدەياسىن باسا ايتا وتىرىپ, قازاقستاننىڭ ۇلتتىق تاۋەلسىزدىگىن ساقتاۋعا جانە نىعايتۋعا ۇمتىلدى.
ونىڭ نەگىزگى يدەياسى 2019 جىلدىڭ ناۋرىز ايىنان باستاپ دايەكتى تۇردە جۇرگىزىلىپ كەلەدى. وسى ۋاقىت ىشىندە مەملەكەت باسشىسىنىڭ جولداۋلارى مەن سويلەگەن سوزدەرىندە ايتىلعان كەشەندى رەفورمالار جۇزەگە اسىرىلا باستادى.
2022 جىلعى «قاسىرەتتى قاڭتار» وقيعاسى كورسەتكەندەي, بيلىك ەليتاسىنىڭ كەيبىرى وزگەرىستى جەدەل ءجۇرىپ جاتىر دەپ ساناسا, كەيبىر ازامات بۇعان كوڭىلى تولمادى. مەملەكەت باسشىسى جاعدايدىڭ كۇردەلىلىگىن جانە اسا ماڭىزدى رەفورمالارعا كەدەرگى كەلتىرۋ ارەكەتىنىڭ بارىن مويىنداي وتىرىپ, قازىرگى احۋالدى اشىق تالداۋعا جانە قاڭتار وقيعاسىن ناقتى باعالاۋعا باسىمدىق بەرۋدە.
سونىمەن بىرگە پرەزيدەنت «رەفورمالار كەرۋەنى» العا جىلجۋى ءتيىس ەكەنىن, دەمەك ساياسي جۇيەنى جاڭعىرتۋ قاجەتىن جاقسى تۇسىنەدى. سوندىقتان حالىققا جولداۋىندا بيلىك رەسۋرستارىن قايتا ءبولۋ جونىندە ەگجەي-تەگجەيلى ون تارماقتان تۇراتىن ىلەسپەلى باعدارلاماسىن جاريالادى. سونىمەن قاتار ساياساتتىڭ, ەكونوميكانىڭ جانە قوعامنىڭ بولىنبەيتىنى, رەفورمالاردى ازاماتتاردىڭ قولداۋى ومىرلىك ماڭىزدى ەكەنىنە كەلىسىپ, پرەزيدەنت قازاقستان قوعامىنىڭ وزەكتى ماتەريالدىق قاجەتتىلىكتەرىن قاناعاتتاندىرۋعا دا كوڭىل بولۋدە.
پرەزيدەنتتىڭ بيىلعى جولداۋىنىڭ مازمۇنى قازىرگى تاڭدا جۇرگىزىلىپ جاتقان كەڭ اۋقىمدى كونسۋلتاتسيالاردىڭ قۇندىلىعىن كورسەتەدى. وسىلايشا, بۇل قۇجات يدەالدى باسقارۋ ۇلگىلەرىن ۇلتتىق داستۇرلەرمەن ۇيلەستىرۋگە مۇمكىندىك بەرىپ, سول ارقىلى رەفورمالاردى جۇزەگە اسىرۋعا مۇمكىندىك بەرەدى دەپ سەنەمىز.
دۋگلاس تاۋنسەند,
قازاقستان رەسپۋبليكاسىنىڭ ۋەلستەگى قۇرمەتتى كونسۋلى,
اۋستراليانىڭ قازاقستانداعى بۇرىنعى ەلشىسى
