Energyprom ساراپشىلارى جۇرگىزگەن زەرتتەۋگە سايكەس, ەلىمىزدە كۇنباعىس مايىن ءوندىرۋ ءبىر جىل ىشىندە 3,1%-عا ءوسىپ, وسى جىلدىڭ قاڭتار-اقپان ايلارىندا 67,5 مىڭ تونناعا دەيىن جەتكەن.
تازارتىلماعان كۇنباعىس مايى ءوندىرىسىنىڭ 80%-دان استامى شىعىس قازاقستان وبلىسىنا (35,8 مىڭ توننا) كەلدى.
تازارتىلعان كۇنباعىس مايىن ءوندىرۋدىڭ 92,1%-ى ءۇش نەگىزگى وڭىردە شوعىرلانعان: شىمكەنت (9,6 مىڭ توننا), شقو (8,7 مىڭ توننا) جانە الماتى (2,9 مىڭ توننا).
2022 جىلعى قاڭتاردا وتاندىق وندىرۋشىلەر كۇنباعىس مايىنا سۇرانىستى 90,1%-عا قامتاماسىز ەتتى.
سەكتورداعى يمپورت ۇلەسىنە رەسۋرستاردىڭ تەك 9,9%-ى عانا كەلدى, بۇل 2021 جىلعى قاڭتارمەن سالىستىرعاندا ايتارلىقتاي از (19,3% بولدى).
الايدا, سەكتورداعى ەكسپورت تا 39,3%-عا, 6 مىڭ تونناعا دەيىن قىسقاردى. وسى جىلدىڭ ءبىرىنشى ايىندا ىشكى نارىقتا 33,3 مىڭ توننا ساتىلدى.
«سونىمەن قاتار, وسى جىلدىڭ اقپان ايىندا كۇنباعىس مايىنىڭ باعاسى قازاقستان بويىنشا ورتاشا ەسەپپەن ءبىر جىلدا 23%-عا ءوسىپ, ليترىنە 771 تەڭگەنى قۇرادى», دەپ ناقتىلادى ساراپشىلار.
كۇنباعىس مايى باتىس قازاقستان (جىلىنا 35,6%-عا), جامبىل (28,9%-عا) جانە اقمولا (27,5%-عا) وبلىستارىندا قىمباتتادى.
ەلىمىزدىڭ ءىرى قالالارى مەن مەگاپوليستەرى اراسىندا كۇنباعىس مايىنىڭ ەڭ جوعارى باعاسى اتىراۋدا (ليترىنە 844 تگ), ەلوردادا (ليترىنە 818 تگ) جانە اقتاۋدا (ليترىنە 815 تگ) بايقالادى.
