پارلامەنت • 30 ناۋرىز، 2022

سەنات سپيكەرى تمد ەلدەرى پارلامەنتتەرى دەلەگاتسيالارىنىڭ باسشىلارىمەن كەزدەستى

174 رەت كورسەتىلدى

قازاقستان رەسپۋبليكاسى پارلامەنتى سەناتىنىڭ توراعاسى ماۋلەن اشىمباەۆ تمد پارلامەنتارالىق اسسامبلەياسىنىڭ مەرەيتويلىق وتىرىسى الاڭىندا پارلامەنت دەلەگاتسيالارىنىڭ جەتەكشىلەرىمەن جانە حالىقارالىق ۇيىمداردىڭ وكىلدەرىمەن كەزدەستى، دەپ حابارلايدى Egemen.kz قر پارلامەنتى سەناتىنىڭ ءباسپاسوز قىزمەتىنە سىلتەمە جاساپ.

وزبەكستان رەسپۋبليكاسى ولي ءماجىلىسى سەناتىنىڭ ءتورايىمى تانزيلا نارباەۆامەن كەزدەسۋدە ەكى ەل اراسىنداعى پارلامەنتارالىق بايلانىستى نىعايتۋ ماسەلەسى ءسوز بولدى. ماۋلەن اشىمباەۆ قازاقستان مەن وزبەكستاننىڭ قارىم-قاتىناسى باۋىرلاس حالىقتار اراسىنداعى ىنتىماقتاستىقتىڭ جارقىن كورىنىسى ەكەنىن اتاپ ءوتتى. بۇل رەتتە ەكى ەل پرەزيدەنتتەرىنىڭ ءوزارا سەنىم مەن دوستىققا نەگىزدەلگەن بايلانىسى ماڭىزدى ءرول اتقارادى. قازاقستان پارلامەنتى سەناتىنىڭ سپيكەرى ەكى مەملەكەتتىڭ سەناتتارى اراسىنداعى ىنتىماقتاستىق جونىندەگى كوميسسيانىڭ وتىرىسىن وتكىزۋ ءۇشىن تانزيلا نارباەۆانى بيىلعى ءساۋىر ايىندا قىزىلورداعا شاقىردى. اتالعان ءىس-شارادا ارال وڭىرىندەگى ەكولوگيالىق ماسەلەلەردى شەشۋ كەزىندەگى پارلامەنتتەردىڭ ءرولى ءسوز بولماق.

قىرعىز رەسپۋبليكاسى جوگوركۋ كەنەشىنىڭ توراعاسى تالانت مامىتوۆپەن كەزدەسۋ بارىسىندا سۋ پروبلەماسى جانە مادەني-گۋمانيتارلىق بايلانىس ماسەلەلەرى تالقىلاندى. ماۋلەن اشىمباەۆتىڭ ايتۋىنشا، ەكى حالىقتىڭ تاريحي بايلانىسىن نىعايتۋدا پارلامەنتشىلەردىڭ الەۋەتىن بەلسەندى پايدالانۋدىڭ ماڭىزى زور.

سونىمەن قاتار قازاقستان پارلامەنتى سەناتىنىڭ سپيكەرى رەسەي فەدەرالدىق جينالىسى فەدەراتسيا كەڭەسىنىڭ ءتورايىمى ۆالەنتينا ماتۆيەنكومەن كەزدەستى. وندا ەكى ەلدىڭ ءوزارا قارىم-قاتىناسىندا پارلامەنتتىك ديپلوماتيانىڭ الەۋەتىن ارتتىرۋ جونىندە ءسوز بولدى. سونداي-اق تاراپتار ەكى پالاتانىڭ ىنتىماقتاستىعى جونىندەگى كوميسسيانىڭ بيىلعى ءساۋىر ايىندا وتەتىن وتىرىسىنا توقتالدى.

تاجىكستان رەسپۋبليكاسى ولي ءماجليسى ميللي ءماجليسىنىڭ توراعاسى رۋستامي ەموماليمەن كەزدەسۋدە ماۋلەن اشىمباەۆ قازاقستان پرەزيدەنتى قاسىم-جومارت توقاەۆتىڭ تاجىكستانعا ساپارى بارىسىندا كوزدەلگەن مىندەتتەرگە نازار اۋداردى. اتالعان ساپار اياسىندا الداعى 5 جىلدا ەكى ەل اراسىنداعى ءوزارا ساۋدا-ساتتىق كولەمىن 2 ملرد دوللارعا دەيىن كوبەيتۋ جانە شيكىزاتتى سوڭعى ونىمگە دەيىن وڭدەيتىن بىرلەسكەن كاسىپورىن قۇرۋ قاجەتتىگى ايتىلعان ەدى. سەنات سپيكەرى بۇل كەلىسسوزدەردى ىسكە اسىرۋعا ىقپال ەتۋ ءۇشىن قازاقستاندىق سەناتورلار بەلسەندى جۇمىس ىستەۋگە نيەتتى ەكەنىن جەتكىزدى.

سونداي-اق قازاقستان پارلامەنتى سەناتىنىڭ توراعاسى ازەربايجان رەسپۋبليكاسى ميللي مەدجليسىنىڭ ءتورايىمى ساحيبا گافاروۆامەن، ارمەنيا رەسپۋبليكاسى ۇلتتىق جينالىسىنىڭ توراعاسى الەن سيمونيانمەن، بەلارۋس رەسپۋبليكاسى ۇلتتىق جينالىسى رەسپۋبليكا كەڭەسىنىڭ ءتورايىمى ناتاليا كوچانوۆامەن جانە تۇركىمەنستان رەسپۋبليكاسى مەدجليسىنىڭ ءتورايىمى گۇلشات ماممەدوۆامەن ەكىجاقتى جانە كوپجاقتى كەزدەسۋلەر وتكىزدى. كەزدەسۋلەر كەزىندە پارلامەنتارالىق ىنتىماقتاستىققا قاتىستى ماڭىزدى ماسەلەلەر كەڭىنەن تالقىلاندى.

ودان بولەك، ماۋلەن اشىمباەۆ دۇنيەجۇزىلىك دەنساۋلىق ساقتاۋ ۇيىمى ەۋروپالىق وڭىرلىك بيۋروسىنىڭ ديرەكتورى حانس كليۋگەمەن كەزدەستى.

ء«بىز قازاقستان پرەزيدەنتى قاسىم-جومارت توقاەۆتىڭ بيولوگيالىق قاۋىپسىزدىك جونىندەگى حالىقارالىق اگەنتتىك جانە بۇۇ اياسىندا اۋرۋلار مەن بيولوگيالىق قاۋىپسىزدىكتى باقىلاۋ جونىندەگى وڭىرلىك ورتالىقتار جەلىسىن قۇرۋ تۋرالى باستاماسىن ىسكە اسىرۋ كەزىندە دۇنيەجۇزىلىك دەنساۋلىق ساقتاۋ ۇيىمى قولداۋ كورسەتەدى دەپ ۇمىتتەنەمىز. ءوز كەزەگىندە قازاقستان پارلامەنتىنىڭ سەناتى ۇيىمعا ءوزىنىڭ باستى ماقساتتارىنا قول جەتكىزۋى ءۇشىن قاجەتتى كومەك كورسەتۋگە دايىن»، دەدى ماۋلەن اشىمباەۆ.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار