بۇل تۋرالى قر اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى كوميتەتىنىڭ توراعاسى شاحماردان ءبايمانوۆ مالىم ەتتى.
ونىڭ ايتۋىنشا, جۋىقتا عانا Government for zhastar عىلىمي-زەرتتەۋ ورتالىعىنىڭ جانىنان جاستاردىڭ ماسەلەلەرىمەن اينالىساتىن الاڭ قۇرىلعان. وسى الاڭدا قازاقستاندىق جاستاردىڭ باسپانا ماسەلەسىن تالقىلاۋ جوسپارلانىپ وتىر.
«نۇر-سۇلتان, الماتى, شىمكەنت قالالارىندا جۇمىس ىستەپ جۇرگەن جاستارعا ارەندالىق باسپانا بەرىلەتىنىن بىلەسىزدەر. بۇل باعدارلاما 2021 جىلعا دەيىن جوسپارلانعان. اتالعان وڭىرلەردە بۇل باعدارلامانى 2025 جىلعا دەيىن ۇزارتۋ تۋرالى شەشىم قابىلداندى», دەدى ول پرەزيدەنت جولداۋىن تالقىلاۋعا ارنالعان اناليتيكالىق دۋسكۋرس بارىسىندا.
ونىڭ سوزىنە قاراعاندا, وزگە وڭىرلەردە دە وسىعان ۇقساس باعدارلامانى ىسكە قوسۋ جوسپارلانىپ وتىر.
«2022 جىلدان باستاپ وزگە وڭىرلەردە دە وسىعان ۇقساس باعدارلامالار ىسكە قوسىلادى. قازىردىڭ وزىندە 3-4 ءوڭىر نيەت ءبىلدىرىپ وتىر», دەدى شاحماردان بايمانوۆ.
