شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, وڭىردەگى تاسجولداردىڭ ءبىرىن قار كوشكىنى جاۋىپ قالۋى مۇمكىن.
«بۇگىن ساعات 20.00-دەن باستاپ رەسپۋبليكالىق ماڭىزى بار «وسكەمەن-التاي-ۇلكەن نارىن-كاتونقاراعاي-راحمان قاينارى» تاسجولىنىڭ 7-66 (ۋشانوۆ كەنتى مەن سەرەبريانسك قالاسىنا دەيىنگى ارالىق) جانە 420-450 (بەرەل اۋىلىنان راحمان قاينارى ساناتوريىنە دەيىنگى جول) شاقىرىمدارىندا كولىكتىڭ بارلىق تۇرلەرى ءۇشىن قوزعالىسقا تىيىم سالىنادى», دەلىنگەن اقپاراتتا.
وسى رەتتە, قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي-كۇيىن «دارمەن» ءموبيلدى قوسىمشاسى ارقىلى تەكسەرىپ وتىرۋعا كەڭەس بەردى.
