بۇل تۋرالى Cadena Ser اقپارات تاراتتى. دەرەككوز كەلتىرگەن اقپاراتقا زەر سالساق, پاريجدىك كوماندا كيليان مباپپەگە ۇسىنعان جالاقىنى حوللاندقا بەرۋگە دايىن. كلۋب باسشىلارى نورۆەگيالىق فۋتبولشىنىڭ كيليان مباپپەنى الماستىرا الاتىندىعىنا بەك سەنىمدى. ءتىپتى, ولار حوللاند وزدەرىنىڭ جاڭا جوبالارىنىڭ باستى جۇلدىزى بولاتىنىنا ەشقانداي كۇمان كەلتىرمەيدى. ءبىر سوزبەن ايتقاندا كوماندانىڭ باسقا فۋتبولشىلارى ەرلينگتىڭ جاسىنداي جارقىراۋى ءۇشىن جاسىل الاڭدا تەر توگەدى.
ەستەرىڭىزگە سالا كەتەيىك, كيليان مباپپە وسى جازدا يسپانيانىڭ «رەال» كومانداسىنا اۋىسۋعا بەكىنىپ وتىر. الايدا فرانتسيالىق فۋتبولشى ازىرگە «پسج» فۋتبولشىسى ەكەنىن ەسكەرگەن «بارسەلونا» باسشىلارى دا ونى ءوز كومانداسىنا قوسۋعا جۇمىس جاساپ جاتىر.
