زەرتتەۋلەرگە سايكەس, دەمالىس جانە سپورت سالاسىنداعى قىزمەتتەردىڭ كولەمى جىلىنا 60%-دان استام ءوستى.
«2021 جىلدىڭ قاڭتار–جەلتوقسان ايلارىندا ەلدەگى سپورت, دەمالىس جانە ويىن-ساۋىق ۇيىمداستىرۋ سالاسىنداعى قىزمەتتەر 400,5 ملرد تەڭگەنى قۇرادى, بۇل ءبىر جىل بۇرىنعىعا قاراعاندا 60,9%-عا ارتىق», دەپ ناقتىلادى Energyprom ساراپشىلارى.
وڭىرلىك بولىنىستە قىزمەتتەردىڭ 58,4%-ى تەك ءبىر ءوڭىر – الماتىعا عانا تيەسىلى بولدى: 233,3 ملرد تەڭگە, بۇل 2020 جىلعى قاڭتار-جەلتوقسانعا قاراعاندا 5,7 ەسە كوپ.
كوشباسشىلار ۇشتىگىنە ەلوردا (43,6 ملرد تگ, مينۋس 37,2%) جانە قاراعاندى وبلىسى (13,9 ملرد تگ, مينۋس 16,7%) كىردى.
سپورت سالاسىندا تىكەلەي قىزمەتتەر 114,4 ملرد تەڭگەگە, دەمالىس پەن ويىن-ساۋىق ۇيىمداستىرۋ سالاسىندا 284,8 ملرد تەڭگەگە كورسەتىلدى.
«سپورت سالاسىنداعى قىزمەتتەردىڭ ەڭ كوپ كولەمىن سپورت كلۋبتارى كورسەتتى: 25,9 ملرد تەڭگە, وعان قوسا جىلىنا 9,9%. بۇدان ءارى فيتنەس-كلۋبتاردىڭ قىزمەتى جانە سپورت عيماراتتارىن پايدالانۋ بويىنشا قىزمەتتەر كورسەتىلەدى», دەيدى ساراپشىلار.
ويىن-ساۋىق جانە دەمالىس سالاسىندا نەگىزگى كولەمدى ويىن-ساۋىق جانە تاقىرىپتىق پاركتەر قىزمەتتەرى قۇرادى: 9,2 ملرد تگ, جىلدىق ءوسىم - 77,2%.
زەرتتەۋلەرگە سايكەس, 2022 جىلدىڭ اقپان ايىنىڭ قورىتىندىسى بويىنشا دەمالىس, ويىن-ساۋىق جانە مادەنيەت سالاسىنداعى قىزمەتتەردىڭ قۇنى ءبىر جىلدا 6,2%-عا ءوستى.
ونىڭ ىشىندە تەاتر قىزمەتتەرى 26,2%-عا, باسسەيندەر (ابونەمەنت) - 9,6%-عا, بالالار اتتراكتسيوندارى - 7,4%-عا, كينوتەاترلار - 5%-عا, ترەناجەر زالدارى (ابونەمەنت) - 4,7%-عا قىمباتتادى. فوتوگرافتاردىڭ قىزمەتى 5,4%-عا قىمباتتادى.
وڭىرلىك بولىنىستە سەكتورداعى باعانىڭ ەڭ جوعارى ءوسۋى الماتى وبلىسىندا تىركەلگەن, باعا ءبىر جىلدا بىردەن 15,2%-عا كوتەرىلدى.
انتي-ليدەرلەردىڭ ۇشتىگىندە قىزىلوردا وبلىسى (12,4%-عا) جانە شىمكەنت (10,3%-عا) قالاسى كورىندى. سونىمەن قاتار, قاراعاندى وبلىسىندا سەكتوردا كورسەتىلەتىن قىزمەتتەردىڭ 0,1%-عا شامالى ارزانداۋى بايقالدى.
