قازاقستان تەننيس فەدەراتسياسىنىڭ مالىمەتى بويىنشا, جەرلەسىمىز زاڭعار نۇرلان ۇلى 14 جاسقا دەيىنگى تەننيسشىلەر اراسىندا 20 اپتادان بەرى كوشباسشىلىقتى ەشكىمگە بەرمەي كەلەدى. قازىرگى تاڭدا قازاقستاندىق سپورتشىنىڭ ەنشىسىندە 505 ۇپاي بار. سونداي-اق توپ-150 تەننيسشىنىڭ قاتارىنا قازاقستاننىڭ تاعى ەكى وكىلى ەنگەن. اتاپ ايتقاندا, دامير جالعاسباي 38-ورىنعا جايعاسسا, دانيەل تازابەكوۆ 129-ساتىدا تۇر.
Junior Masters – ەۋروپانىڭ 14 جانە 16 جاسقا دەيىنگى ەڭ ۇزدىك جاس تەننيسشىلەرى باق سىنايتىن ءىرى جارىس. بۇل جارىستا كەزىندە رافاەل نادال, كيم كلەيستەرس, الەكساندر زۆەرەۆ, بەليندا بەنچيچ سياقتى تەننيسشىلەر چەمپيون اتانعان.
