«قازىر قالانى قالپىنا كەلتىرۋ جانە زارداپ شەككەن كاسىپكەرلەرگە كەلتىرىلگەن شىعىندى وتەۋ باعىتىندا اۋقىمدى جۇمىستار اتقارىلۋدا», دەدى مينيستر. كاسىپكەرلىك زالالداردى انىقتاۋ بويىنشا 128 ساراپتاما تاعايىندالدى. ونىڭ 49-ى اياقتالدى, ساراپتاما جاساۋعا 12 جەرگىلىكتى ساراپشى جانە ورتالىقتىڭ اۋماقتىق بولىمشەلەرىنەن 22 ادام تارتىلدى.
قاڭتار وقيعاسى بارىسىندا زارداپ شەككەن بيزنەس وكىلدەرى مينيسترگە وزدەرىن تولعاندىرعان سۇراقتاردى قويدى. جەكەلەي الساق, ولاردى سوت تاۋارلىق, قۇرىلىس ەكونوميكالىق, ءورت تەحنيكالىق, قۇرىلىس تەحنيكالىق ساراپتامالاردىڭ جۇرگىزىلۋ مەرزىمى, ەرەجەسى تولعاندىردى.
قانات مۋسين مينيسترلىكتىڭ ءوز قۇزىرەتى شەگىندە كاسىپكەرلىكتى قولداۋ بويىنشا اتقارىپ جاتقان شارالارىنا توقتالدى. «اتاپ ايتقاندا, 2021 جىلدان باستاپ جىلجىمايتىن م ۇلىككە قۇقىقتاردى مەملەكەتتىك تىركەۋ مەرزىمىن بۇزعانى ءۇشىن اكىمشىلىك جاۋاپكەرشىلىك الىنىپ تاستالدى. ەلەكتروندى تەحنيكالىق تولقۇجات جانە سايكەستەندىرۋ جانە تەحنيكالىق اقپاراتتاعى سايكەسسىزدىكتەردى انىقتاۋ بويىنشا قورىتىندى بەرۋ ىسكە قوسىلدى. 2021 جىلدىڭ قاڭتارىنان باستاپ 9 مىڭعا جۋىق ەلەكتروندى تولقۇجات بەرىلدى. Blockchain تەحنولوگياسىن پايدالانا وتىرىپ, بانك كەپىلى شارتتارىن تىركەۋ قىزمەتى اۆتوماتتاندىرىلدى. 2021 جىلدىڭ 1 ماۋسىمىنان باستاپ 1500-گە جۋىق كەپىل شارتى تىركەلدى. 2 ساعات ىشىندە نوتارياتتىق ەمەس مامىلەلەرگە قۇقىقتاردى ەلەكتروندى تىركەۋ, سونداي-اق نوتارياتتىق مامىلەلەر نەگىزىندە جەدەلدەتىلگەن ەلەكتروندى تىركەۋ ءساتتى جۇزەگە اسىرىلدى», دەدى مينيستر.
ەستەرىڭىزگە سالايىق, 2021 جىلعى 1 شىلدەدەن باستاپ جىلجىمايتىن م ۇلىكپەن مامىلەلەردى رەسىمدەۋ كەزىندە ەكساۋماقتىلىق ەنگىزىلدى. ەگەر بۇرىن مامىلەلەردى جىلجىمايتىن م ۇلىك ورنالاسقان جەردەگى نوتاريۋس كۋالاندىرسا, ەندى تاراپتار ونىڭ ورنالاسقان جەرىنە قاراماستان كەز كەلگەن نوتاريۋسقا جۇگىنە الادى. ساۋلەت جانە قالا قۇرىلىسى ورگاندارىنىڭ جىلجىمايتىن م ۇلىك وبەكتىسىن بۇزعانىن راستايتىن قۇجات بەرۋ جونىندەگى فۋنكتسيالارى زاڭدى تۇردە بەكىتىلدى. بۇل ولقىلىقتى جويۋ جىلجىمايتىن م ۇلىك دەرەكقورىنداعى وبەكتىلەر تۋرالى اقپاراتتى ۋاقتىلى جاڭارتۋعا جانە ءتيىمدى سالىق سالۋعا ىقپال ەتەدى.
قانات ءمۋسيننىڭ ايتۋىنشا, كاسىپكەرلەر ءۇشىن تىركەۋ ءىس-ارەكەتتەرىن وڭايلاتۋ بويىنشا شارالار قابىلداندى. وسىلايشا, «باسشىنى وزگەرتۋ (باسشىنى تاعايىنداۋ, باسشىنىڭ مىندەتىن اتقارۋشىنى تاعايىنداۋ, زاڭدى تۇلعانىڭ مۇلكى مەن قىزمەتىن باسقارۋشىنى تاعايىنداۋ, باسشىنى لاۋازىمىنان شەتتەتۋ)» قىزمەتى اۆتوماتتاندىرىلدى. قىزمەت 2021 جىلدىڭ قازان ايىنان باستالدى. زاڭدى تۇلعالاردى, ونىڭ ىشىندە كوممەرتسيالىق ەمەس ۇيىمداردى تىركەۋ سالاسىندا مەملەكەتتىك قىزمەتتەردى اۆتوماتتاندىرۋ بويىنشا جول كارتاسى بەكىتىلدى.
الماتى
