كوميسسيا جۇمىسىنا مەملەكەتتىك ورگانداردىڭ, «اتامەكەن» ۇكپ وكىلدەرى جانە وڭىرلەردىڭ باسشىلارى قاتىستى.
ەلدەگى ەپيدەميولوگيالىق جاعدايدىڭ تۇراقتانۋىن ەسكەرە وتىرىپ, ۆەدومستۆوارالىق كوميسسيا كەلەسى شەشىمدەردى قابىلدادى:
ءۇي-جايلاردا مىندەتتى ماسكا تاعۋ تالابىن الىپ تاستاۋ;
مەديتسينالىق مەكەمەلەردە (پەرسونال, قىزمەتكەرلەر, پاتسيەنتتەر, كەلۋشىلەر) مەديتسينالىق ماسكالاردى تاعۋ مىندەتىن ءوز كۇشىندە قالدىرۋ;
ادامدار كوپ جينالاتىن ورىنداردا, قوعامدىق كولىكتە, ۇيىمداسقان ۇجىمداردا ماسكا تاعۋدى ۇسىنىمدىق سيپاتتا قالدىرۋ;
ءبىلىم بەرۋ ۇيىمدارىندا وقىتۋدىڭ كابينەتتىك جۇيەسىنە رۇقسات بەرۋ.
سونداي-اق ۆاك شەشىمىمەن «Pfizer» پرەپاراتىمەن ۆاكتسينالاۋعا جاتاتىن ادامدار كونتينگەنتى كەڭەيتىلەدى, ول مىناداي ساناتتارمەن تولىقتىرىلادى:
باستاپقى ۆاكتسينالاۋدان وتەتىن, وسى پرەپاراتپەن پروفيلاكتيكالىق ۆاكتسينا العىسى كەلەتىن ادامدار;
ءتۇرلى سەبەپتەرمەن شەتەلگە شىعۋ ءۇشىن قايتالاما ەكپە الۋشىلار;
شەتەلدە العان ۆاكتسينالاۋ كۋرسىن اياقتاۋ ءۇشىن ەكپە الۋشى تۇلعالار;
COVID-19 ۆيرۋسىنا قارسى رەۆاكتسينا الۋشى بارلىق توپتاعى ادامدار.
وتىرىس سوڭىندا ە. توعجانوۆ قولايلى ەپيدەميولوگيالىق جاعدايدى قامتاماسىز ەتۋدىڭ باستى شارتتارىنىڭ ءبىرى ازاماتتاردى ۋاقتىلى يممۋنداۋ جانە رەۆاكتسينالاۋ ەكەنىن اتاپ ءوتتى. ول اكىمدىكتەرگە كوروناۆيرۋس ينفەكتسياسىنا قارسى ەگۋ ناۋقانىن ەرەكشە باقىلاۋعا الۋدى تاپسىردى جانە حالىق اراسىندا ساپالى ءتۇسىندىرۋ جۇمىستارىن جۇرگىزۋ قاجەتتىگىن اتاپ ءوتتى.
