الماتى قالالىق پوليتسيا دەپارتامەنتى حابارلاعانداي, الماتى وبلىسىنىڭ 27-28 جاس ارالىعىنداعى ەكى تۇرعىنى ۇستالدى.
پوليتسيا قىزمەتكەرلەرى كۇدىكتىلەردىڭ بىرەۋى بۇرىن دا بوتەننىڭ مۇلكىن ۇرلاعانى ءۇشىن ءىستى بولعانىن انىقتادى.
«بۇل جولى كۇدىكتىلەر قارۋ-جاراق دۇكەنىنىڭ مۇلكىنە كوز سالدى. 6 قاڭتارعا قاراعان ءتۇنى ولار «كامەراد» قارۋ-جاراق دۇكەنىن توناپ, ودان 5 تەگىس ۇڭعىلى مىلتىق, پاتروندار مەن وق وتپەيتىن جيدەلەردى شىعارعان. كۇدىكتىلەر ۇستالىپ, قاماۋعا الىندى», دەپ ناقتىلادى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
كۇدىكتىلەردەن زاتتاي دالەلدەمەلەر تاركىلەندى. قازىرگى ۋاقىتتا, ۇستالعانداردىڭ باسقا دا, سونىڭ ىشىندە جاپپاي تارتىپسىزدىكتەر كەزىندە ورىن العان قىلمىستارعا قاتىستىلىعى تەكسەرىلۋدە.
ايتا كەتسەك, زاڭسىز ارەكەت قر قك-ءنىڭ 291-بابى, 3-بولىگى بويىنشا تەرگەلۋدە.
