ءىس-شاراعا CDRC قامقورشىلىق كەڭەسىنىڭ مۇشەسى, ەلشى تەكەدا الەمۋ, CDRC اتقارۋشى ديرەكتورى, دوكتور ابدەتا دريبسا بەيەنە, CDRC اتقارۋشى ديرەكتورىنىڭ ورىنباسارى كاساحۋن دەندەر مەلەزە, سونداي-اق ورتالىقتىڭ ساراپشىلارى مەن تالداۋشىلارى قاتىستى.
قازاقستان ەلشىسى بارلىباي سادىقوۆ پرەزيدەنت قاسىم-جومارت توقاەۆتىڭ جولداۋىنىڭ نەگىزگى باعىتتارى, ونىڭ ىشىندە قازاقستانداعى ساياسي جۇيەنىڭ تۇبەگەيلى وزگەرۋى جانە «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋعا باعىتتالعان الەۋمەتتىك-ەكونوميكالىق رەفورمالار تۋرالى ايتىپ بەردى.
ەلشى قازاقستاننىڭ ساياسي جۇيەسىن جاڭعىرتۋ جانە سۋپەرپرەزيدەنتتىك باسقارۋ فورماسىنان مىقتى پارلامەنتى بار پرەزيدەنتتىك رەسپۋبليكاعا اينالۋ قازاقستاندىق قوعامنىڭ تەرەڭ قاجەتتىلىكتەرى مەن سۇرانىستارىنا نەگىزدەلگەنىن اتاپ ءوتتى.
ءىس-شارا بارىسىندا ەلشى ت.الەمۋ ءسوز سويلەپ, رەسپۋبليكانىڭ جاڭا دامۋ كەزەڭىنىڭ باستالۋىنا سەرپىن بەرگەن وقيعالارعا توقتالدى. ەفيوپيالىق ساراپشى جاڭا قازاقستاننىڭ تابىستى قۇرىلىسى ءۇشىن بارلىق جاعدايدىڭ بار ەكەنىن اتاپ ءوتىپ, ەلىمىزدىڭ باسشىلىعى مەن حالقىنا تابىس تىلەدى.
سونىمەن قاتار سەمينار اياسىندا ت.الەمۋگە قازاقستان تاۋەلسىزدىگىنىڭ 30 جىلدىعىنا جانە ەلدەر اراسىنداعى ديپلوماتيالىق قاتىناستاردىڭ ورناعانىنا 10 جىل تولعانىنا ورايلاستىرىلعان, قازاقستانمەن قارىم-قاتىناستاردى دامىتۋعا قوسقان قوماقتى ۇلەسى ءۇشىن قر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردىنىڭ العىس حاتى تابىس ەتىلدى.
جالپى ايتقاندا, پرەزيدەنت ق.توقاەۆتىڭ ەلدەگى تۇبەگەيلى وزگەرىستەر ەنگىزۋگە باعىتتالعان ساياسي كوزقاراسى افريكانىڭ ەڭ ءىرى ەلدەرىنىڭ بىرىندە ساراپشىلار ورتاسىندا شىنايى قىزىعۋشىلىق تۋدىردى. سەمينار سوڭىندا ساراپشىلار مەملەكەت باسشىسىنىڭ ساياساتىنا جوعارى باعا بەرىپ, ەلىمىزبەن ەكىجاقتى بايلانىستاردىڭ ودان ءارى نىعايا بەرەتىنىنە سەنىم ءبىلدىردى.
