«مەملەكەت باسشىسىنىڭ 2020-2025 جىلدارعا ارنالعان قازاقستان حالقىنا جولداۋىن ىسكە اسىرۋ اياسىندا مەديتسينا قىزمەتكەرلەرىنىڭ جالاقىسىن كەزەڭ-كەزەڭىمەن ارتتىرۋ كوزدەلگەن. 2023 جىلعا قاراي مەديتسينا قىزمەتكەرلەرىنىڭ جالاقىسىن ەكونوميكاداعى ورتاشا جالاقىعا قاراعاندا 2,5 ەسەگە دەيىن (561 مىڭ تەڭگەگە دەيىن) كوتەرۋ جوسپارلانۋدا», دەپ جازدى ەرالى توعجانوۆ دەپۋتاتتىق ساۋالعا بەرگەن جاۋابىندا.
ول 2021 جىلعى 5 قاڭتاردان باستاپ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2020 جىلعى 7 شىلدەدەگى قازاقستان رەسپۋبليكاسىنىڭ كودەكسىنە سايكەس بىلىكتىلىك ساناتى جويىلعانىن ەسكە سالدى.
«بۇل رەتتە, وتپەلى ەرەجەلەر شەڭبەرىندە بىلىكتىلىك ساناتتارىن بەرۋ تۋرالى قولدانىستاعى كۋالىكتەر بويىنشا قوسىمشا اقىلاردى جۇزەگە اسىرۋ جالعاساتىن بولادى. قازاقستان رەسپۋبليكاسى ەڭبەك كودەكسىنىڭ 10 جانە 107-باپتارىنا سايكەس جۇمىسكەرگە جالاقى جۇمىس بەرۋشىدە قولدانىلاتىن, ەڭبەك, ۇجىمدىق شارتتاردىڭ تالاپتارىندا جانە جۇمىس بەرۋشىنىڭ اكتىلەرىندە ايقىندالعان ەڭبەككە اقى تولەۋ جۇيەلەرىنە سايكەس ەڭبەك شارتىندا بەلگىلەنەدى جانە جۇمىسكەرلەردىڭ مۇددەلىلىگىن ارتتىرۋدى كۇشەيتۋ ءۇشىن سىيلىقاقى بەرۋ جۇيەلەرى جانە ەڭبەكتى ىنتالاندىرۋدىڭ ناشارلاي المايتىن باسقا دا نىساندارى ەنگىزىلۋى مۇمكىن بەلگىلەنگەن شارتتارمەن سالىستىرعاندا قىزمەتكەرلەردىڭ جاعدايىن ناشارلاتاتىن نورمالاردى قاراستىرۋ كەرەك», دەپ تۇيىندەدى پرەمەر-ءمينيستردىڭ ورىنباسارى.
