فوتو: Depositphotos
سقو پروكۋراتۋراسى ۇسىنعان مالىمەتكە قاراعاندا, ۇستالعان ازاماتتارعا قاتىستى قر قىلمىستىق كودەكسىنىڭ 254-بابى «مىندەتتەرىنە ادال قاراماۋ» بويىنشا قىلمىستىق ءىس قوزعالدى.
21 ناۋرىزدا سقو پوليتسياسى «2-جەو» جشس ديرەكتورى مەن باس ينجەنەرىن ۇستاپ, پەتروپاۆل قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامادى.
«سوتقا دەيىنگى تەرگەپ-تەكسەرۋ اياسىندا وسى ءىس بويىنشا بارلىق ءمان-جايلاردى انىقتاۋعا باعىتتالعان تەرگەۋ ارەكەتتەرى جۇرگىزىلەدى. تەرگەۋ بارىسىن وبلىس پروكۋرورى مەن پد باستىعى باقىلاۋعا الدى. سونىمەن بىرگە وبلىس پروكۋراتۋراسى باقىلاۋشى ورگانداردىڭ قىزمەتىنە تالداۋ جۇرگىزەدى, ونىڭ ناتيجەلەرى بويىنشا جاۋاپتى لاۋازىمدى تۇلعالاردىڭ ءىس-ارەكەتتەرىنە باعا بەرىلەدى», دەلىنگەن حابارلامادا.
اپات كەزىندە حابار-وشارسىز كەتكەن جۇمىسشى ايەلدى ىزدەۋ جۇمىستارى بۇگىن تاڭعى ساعات 8:00-دە قايتا باستالدى.
ەسكە سالا كەتسەك, پەتروپاۆلدا جىلۋ ەلەكتر ورتالىعىنىڭ ءبىر مۇرجاسى قۇلاپ كەتكەن.
وقيعا ورنىندا جۇمىسشىلاردىڭ بىرەۋى حابار-وشارسىز كەتكەن.
وبلىس اكىمى جەو-داعى ءتۇتىن مۇرجاسىنىڭ جارتىلاي قۇلاۋىنا بايلانىستى جەدەل شتاب قۇردى.
مەملەكەت باسشىسى وبلىس ورتالىعى مەن باسقا دا ەلدى مەكەندەردىڭ تۇرعىندارىن تەز ارادا جىلۋمەن قامتاماسىز ەتۋدى تاپسىردى.
