«قىمباتتى قازاقستاندىقتار!
بارشاڭىزدى ۇلىستىڭ ۇلى كۇنىمەن شىن جۇرەكتەن قۇتتىقتايمىن!
سان عاسىرلىق تاريحى بار ناۋرىز مەيرامى بۇگىندە ەل بىرلىگىنىڭ, كەلىسىم مەن تۇراقتىلىقتىڭ جارقىن سيمۆولىنا اينالىپ وتىر.
قازاق حالقىنىڭ ۇلى مادەنيەتى مەن باي سالت-داستۇرىنەن باستاۋ العان مەرەكە ىزگىلىك پەن ىنتىماق, تاتۋلىق پەن سىيلاستىق سىندى ماڭگىلىك قۇندىلىقتاردىڭ جارشىسى سانالادى.
بۇگىنگى تاڭدا الەمنىڭ ءار تۇكپىرىندە بولىپ جاتقان وقيعالار بۇل مەيرامنىڭ ماڭىزدىلىعىن ودان ءارى ارتتىرا تۇسكەنى ءسوزسىز. ول بىزگە قوعامداعى كەلىسىمنىڭ, كوپۇلتتى ەلىمىزدەگى تىنىشتىق پەن مامىراجاي ءومىردىڭ قادىرىن تۇسىنۋگە كومەكتەسەدى.
تىرشىلىكتى تۇلەتكەن كوكتەم مەرەكەسى جانىمىزدى جادىراتىپ, وتانىمىزدىڭ يگىلىگى جولىندا جاڭا جەتىستىكتەرگە جەتۋ ءۇشىن بويىمىزعا كۇش-قۋات پەن سارقىلماس جىگەر بەرەدى.
ۇلىستىڭ ۇلى كۇنىندە بارشاڭىزعا مىقتى دەنساۋلىق, باق-بەرەكە تىلەيمىن! ءاز-ناۋرىز شاڭىراقتارىڭىزعا ىرىس پەن مولشىلىق اكەلسىن!», دەلىنگەن ەلباسى قۇتتىقتاۋىندا.
