21 ناۋرىزدا اقمولا وبلىسىندا ساعات 10.00-دە اۋا رايىنىڭ قولايسىزدىعىنا بايلانىستى جولدارداعى بارلىق اۆتوكولىك تۇرلەرى ءۇشىن قوزعالىسقا شەكتەۋ ەنگىزىلدى.
سونىمەن قاتار, اقمولا وبلىسىندا اۋا رايىنىڭ ناشارلاۋىنا بايلانىستى قوستاناي جانە سولتۇستىك قازاقستان وبلىستارىنداعى كەيبىر جول ۋچاسكەلەرى جابىلدى.
قوستاناي وبلىسى بويىنشا رەسپۋبليكالىق ماڭىزى بار اۆتوجولدار ۋچاسكەلەرىندە كولىك قۇرالدارىنىڭ بارلىق تۇرلەرى ءۇشىن شەكتەۋ ەنگىزىلدى:
ا-16 «جەزقازعان-پەتروپاۆل» 340-377 شاقىرىم (ارقالىق قالاسىنان اقمولا وبلىسىنىڭ شەكاراسىنا دەيىن);
ر-36 «قوستاناي-اۋليەكول-سۇرعان» شاقىرىم 219-232 (وكتيابرسكوە كەنتىنەن اقمولا وبلىسىنىڭ شەكاراسىنا دەيىن).
پەتروپاۆل-جەزقازعان باعىتىنداعى اۆتوجولدىڭ جابىلعاندىعى جونىندە 112 قىزمەتى حابارلادى.
Sms-حابارلامادا «پەتروپاۆل-جەزقازعان» ا-16 تراسسانىڭ 595-624 كم جابىق دەلىنگەن. كولىكتەردىڭ قوزعالىسىن شەكتەۋگە وڭىردەگى بوران سەبەپ بولدى.
كەشە ارنايى قىزمەت سقو اۋماعىندا سەكۋندىنا 28 مەترگە دەيىن قاتتى جەل تۇراتىنىن ەسكەرتكەن بولاتىن.
