فوتو تۋرار كازانگاپوۆ
«بزت اۋدارىلاتىن دەپوزيتتى نەمەسە ارنايى شوتتى قاشىقتان اشۋعا بولادى. ول ءۇشىن 300 نومىرىنە نەمەسە بانك سايتىنداعى سىلتەمە ارقىلى بەينەوپەراتورعا حابارلاسۋ قاجەت. قوڭىراۋلار دەمالىس كۇندەرىنە قاراماستان 19, 20, 21 جانە 22 ناۋرىز كۇندەرى قابىلدانادى», – دەپ حابارلايدى بانكتىڭ ءباسپاسوز قىزمەتى.
Enpf-otbasy.kz پلاتفورماسى دا قازاقستاندىقتارعا 24/7 رەجيمىندە, دەمالىس پەن مەرەكە كۇندەرى دە قولجەتىمدى بولماق.
«سوڭعى 3 كۇندە enpf-otbasy.kz پلاتفورماسىنا 157 مىڭنان استام ءوتىنىش ءتۇستى. ەڭ كوپ تاڭدالعان ماقساتتاردىڭ ىشىندە: وتباسى بانكىندەگى سالىمدى تولىقتىرۋ, ەمدەلۋ جانە يپوتەكانى ءىشىنارا وتەۋ. قازاقستاندىقتاردىڭ بجزق-نان سۇراتىپ جاتقان ەڭ تومەنگى سوماسى – 200 تەڭگە», – دەلىنگەن بانك حابارلاماسىندا.
2022 جىلدىڭ 1 ساۋىرىنەن باستاپ زەينەتاقى جيناقتارىنىڭ جەتكىلىكتىلىك شەگى وزگەرەدى. بزت-ءىن قازىرگى شارتتارمەن پايدالانۋ ءۇشىن قازاقستاندىقتار 2022 جىلدىڭ 29 ناۋرىزىنا دەيىن enpf-otbasy.kz پلاتفورماسىنا ءوتىنىش بەرىپ ۇلگەرۋى قاجەت. وتباسى بانك ءوتىنىشتى 2 كۇن ىشىندە قاراپ, بجزق-نا جىبەرەدى. بجزق 2022 جىلدىڭ 31 ناۋرىزىنا دەيىن قابىلداعان وتىنىشتەر بويىنشا بزت-ءىن 2022 جىلدىڭ 1 ساۋىرىنە دەيىنگى بۇرىنعى شەكتى ماندەرگە سايكەس تولەيدى.
