22 ناۋرىز كۇنى ساعات 13:00-دە تانىمال ارتىستەر مەن ينتەرنەت جۇلدىزدارى بوز كىلەم ۇستىندە كۇش سىناسادى.
بۇل جولى مىقتىلار باسەكەسىنە 20 بالۋان قاتىسادى. ويىن ەرەجەسى بويىنشا, ولار بەس سالماق بويىنشا, ياعني, توپ-توپپەن جارىسادى. جەكپە-جەكتەرگە كاسىبي بالۋاندار ەمەس, ەلىمىزدىڭ تانىمال ازاماتتارى شىعاتىنىنا قاراماستان, «ونەر بارىسى» جوباسىندا بارلىعى ناعىز كاسىبي سپورت ەرەجەلەرىنە ساي بولادى.
«ونەر بارىسى» بيىل بەسىنشى رەت وتكىزىلمەك. العاشقى ويىن 2019 جىلى ەلىمىزدىڭ استاناسى – نۇر-سۇلتان قالاسىندا ۇيىمداستىرىلدى. جوبانىڭ جانكۇيەرلەرى كوپ بولعاندىقتان, سپورت جارىسى جىل سايىن وتكىزىلە باستادى. بۇل جولعى جوبانىڭ ەرەكشەلىگى – قاتارعا تۇيە بالۋاندارىنىڭ قوسىلۋى.
«ونەر بارىسى» تەلەجوباسى رەسپۋبليكالىق «قازاق كۇرەسى» فەدەراتسياسىنىڭ كۇنتىزبەسىنە ەندى. ونىڭ ماقساتى – قازاقشا كۇرەستى جانە جالپى سالاۋاتتى ءومىر سالتىن ناسيحاتتاۋ. جوباعا اسىلحان تولەپوۆ, تاۋەكەل ءمۇسىلىم سىندى اكتەرلەردەن بولەك, «كامىزياكي» كۆن كومانداسىنىڭ جاس ءارى تالانتتى قاتىسۋشىسى رينات مۇحامباەۆ قاتىسادى», دەلىنگەن حابارلامادا.
