كەڭەستە «قر سىبايلاس جەمقورلىققا قارسى ساياساتىنىڭ تۇجىرىمداماسى» جانە «سىبايلاس جەمقورلىقتىڭ الدىن الۋ جانە وعان قارسى ءىس-قيمىل» (تبن-4) جوباسىن ىسكە اسىرۋ ماسەلەلەرى قارالدى.
«ەل پرەزيدەنتى سىبايلاس جەمقورلىققا قارسى ىمىراسىز كۇرەس مەملەكەتتىك ساياساتتىڭ نەگىزگى باسىمدىقتارىنىڭ ءبىرى بولىپ تابىلاتىنىن اتاپ ءوتتى.
2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىندا قازاقستان سىبايلاس جەمقورلىققا قارسى ءبىر سارىندى ءىس-قيمىلدان قوعامدىق سانانى تۇبەگەيلى وزگەرتۋگە, حالىقتىڭ سىبايلاس جەمقورلىق پەن نەپوتيزمنىڭ كەز كەلگەن نىساندارىن قابىلداماۋىنا, الدىن الۋ شارالارىنىڭ باسىمدىعىنا كوشەتىندىگى كورسەتىلگەن.
سىبايلاس جەمقورلىققا قارسى مادەنيەتتى ارتتىرۋ, تاربيەلەۋ جانە ءبىلىم بەرۋ شارالارىن جۇيەلەۋ, مەملەكەتتىك اپپارات پەن بيزنەس-قوعامداستىق وكىلدەرىن پاراساتتى مىنەز-ق ۇلىققا ىنتالاندىرۋ ارقىلى سىبايلاس جەمقورلىقتى مۇلدەم قابىلداماۋعا قول جەتكىزىلەتىن بولادى.
«تۇجىرىمدامادا تۇرمىستىق سىبايلاس جەمقورلىققا ەرەكشە نازار اۋدارىلعان. سەبەبى پاراقورلىقتىڭ ۇلكەن ۇلەسى تۇرمىستىق سىبايلاس جەمقورلىقپەن بايلانىستى. وكىنىشكە وراي, قوعامدا قانداي دا ءبىر ارتىقشىلىقتار الۋ نەمەسە قانداي دا ءبىر ماسەلەنى شەشۋ ءۇشىن پارا بەرۋ وڭايىراق دەگەن پىكىر بار», دەپ اتاپ ءوتتى ەرلان جالماعامبەت.
سونداي-اق تۇجىرىمداماعا سايكەس مەملەكەتتىك اپپارات اراسىندا سىبايلاس جەمقورلىقتىڭ الدىن الۋ بويىنشا جاڭا قۇرالدار ەنگىزىلۋدە. اتاپ ايتقاندا, جوسىقسىز قىزمەتشىلەردى ۋاقتىلى انىقتاۋعا جانە جۇمىستان بوساتۋعا, ولاردىڭ ىقتيمال سىبايلاس جەمقورلىق ارەكەتتەرىنەن مەملەكەت پەن قوعامعا زيان كەلتىرۋىنە جول بەرمەۋ ماقساتىندا پاراساتتىلىققا تەكسەرىلەدى (integrity check) .
مەملەكەتتىك قىزمەتشىلەر اراسىنداعى سىبايلاس جەمقورلىققا قارسى ءىس-قيمىلدىڭ كەلەسى شاراسى – «اقشانى قاداعالاۋ (follow the money)» قاعيداتىن ىسكە اسىرۋ, اكتيۆتەردى ىزدەۋ جانە قايتارۋ, قىلمىستىق جولمەن الىنعان م ۇلىكتى تاركىلەۋ.
جالپى العاندا, سىبايلاس جەمقورلىققا قارسى ساياسات سىبايلاس جەمقورلىقتى ەكونوميكالىق جانە بەدەل جاعىنان ءتيىمسىز ەتۋگە باعىتتالعان.
سىبايلاس جەمقورلىققا قارسى كۇرەس جانە ونىڭ الدىن الۋدىڭ قازىرگى زامانعى ادىستەرىن قولدانۋ, ونىڭ ىشىندە كورپوراتيۆتىك سەكتور ءۇشىن دە وزەكتى مىندەت بولىپ تابىلادى.
وسىعان بايلانىستى, «سىبايلاس جەمقورلىققا قارسى ءىس-قيمىل تۋرالى» زاڭعا كۆازيمەملەكەتتىك جانە جەكە سەكتور ۇيىمدارىندا كورپوراتيۆتىك ستاندارتتاردى ساقتاۋعا جاۋاپتى سىبايلاس جەمقورلىققا قارسى كومپلاەنس-قىزمەتتەر ينستيتۋتىن ىسكە اسىرۋ بويىنشا وزگەرىستەر ەنگىزىلدى.
بۇگىنگى تاڭدا وبلىستا 389 كۆازيمەملەكەتتىك سەكتور سۋبەكتىسىندە كومپلاەنس-قىزمەت قۇرىلدى.
«بۇل شارالاردىڭ بارلىعى ادالدىق پەن پاراساتتىلىقتى ىنتالاندىرۋعا, قوعامدا سىبايلاس جەمقورلىققا قارسى مادەنيەتتى قالىپتاستىرۋعا باعىتتالعان», دەدى سىبايلاس جەمقورلىققا قارسى ۆەدومستۆو باسشىسى.
