دانيار تالعات ۇلى 1976 جىلى 25 مامىردا الماتى قالاسىندا تۋعان.
1996 جىلى قازاق مەملەكەتتىك باسقارۋ اكادەمياسىن ەكونوميست ماماندىعى بويىنشا ۇزدىك اياقتاعان.
ەڭبەك جولىن ورتالىق ازيا قور بيرجاسىندا مامان رەتىندە باستادى.
1996-2003 جىلدارى قازاقستان رەسپۋبليكاسى ۇلتتىق بانكىنىڭ زەرتتەۋ جانە ستاتيستيكا دەپارتامەنتىندە ءتۇرلى لاۋازىمدار اتقاردى, 2003-2007 جىلدارى وسى دەپارتامەنتتى باسقاردى.
2007-2014 جىلدارى قازاقستان رەسپۋبليكاسى ۇلتتىق بانكى توراعاسىنىڭ ورىنباسارى قىزمەتىن اتقارعان.
2014-2015 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ مەڭگەرۋشىسى لاۋازىمىن, 2015 جىلعى تامىز - 2015 جىلعى قاراشا ارالىعىندا سونداي-اق قازاقستان رەسپۋبليكاسى پرەزيدەنتى كومەكشىسىنىڭ مىندەتتەرىن ۋاقىتشا اتقارۋشى بولدى.
قازاقستان رەسپۋبليكاسى ۇلتتىق بانكىنىڭ توراعاسى (2015-2019); قر پرەزيدەنتىنىڭ كەڭەسشىسى بولدى.
قر تۇڭعىش پرەزيدەنتىنىڭ كومەكشىسى لاۋازىمىنا 2019 جىلدىڭ ساۋىرىندە تاعايىندالعان.
