«قازاقستاننىڭ ەكسپورتقا جانە ىشكى نارىققا جەتكىزۋگە ارنالعان مۇناي تاسىمالىنىڭ ارتاراپتاندىرىلعان جۇيەسى بار:
- قازاقستاندىق مۇنايدىڭ ەكسپورتى كاسپي قۇبىر كونسورتسيۋمىنىڭ مۇناي قۇبىرى;
- اتىراۋ-سامارا مۇناي قۇبىرى;
- اتاسۋ-الاشانكوۋ مۇناي قۇبىرى;
- اقتاۋ تەڭىز پورتى; تەمىر جولمەن جۇزەگە اسىرىلادى. بۇگىنگى تاڭدا مۇناي ەكسپورتى بويىنشا شەكتەۋلەر جوق», دەدى ول مينيسترلىكتىڭ كەڭەيتىلگەن القا وتىرىسىندا.
وسى رەتتە مينيستر كەڭقياق-اتىراۋ مۇناي قۇبىرى بويىنشا وسى جىلعى 1 ملن توننادان 6 ملن تونناعا دەيىن كەرى باعىتتا مۇناي ايداۋ جانە باتىس قازاقستان مۇنايىن قازاقستان رەسپۋبليكاسىنىڭ مۇناي وڭدەۋ زاۋىتتارىنا جانە قىتاي حالىق رەسپۋبليكاسىنا ەكسپورتقا بەرۋدى قامتاماسىز ەتۋ ماسەلەلەرىن شەشۋ قاجەتتىگىن ايتتى.
«وسىعان بايلانىستى ۆيتسە-مينيستر اسەت مارات ۇلى ماعاۋوۆقا «قازترانسويلمەن» بىرلەسىپ, اتىراۋ-كەڭقياق مۇناي قۇبىرىنىڭ رەۆەرسىن كەڭەيتۋ جوباسىن ىسكە اسىرۋ ماسەلەسىن پىسىقتاۋدى تاپسىرامىن», دەدى بولات اقشولاقوۆ.
