قر مادەنيەت جانە سپورت مينيسترلىگى دەنە شىنىقتىرۋ جانە سپورت ىستەرى كوميتەتىنىڭ توراعاسى سامات ەرعاليەۆتىڭ اقپاراتى بويىنشا, قىسقى پاراليمپيادا ويىندارىندا كورسەتكەن ناتيجەسى ءۇشىن پەتروپاۆلدان كەلگەن 32 جاستاعى الەكساندر گەرليتس مەملەكەتتەن 115 مىڭ دوللار (58,3 ملن تەڭگە شاماسىندا) كولەمىندە سىياقى الادى.
سونداي-اق ەرعاليەۆ سقو اكىمدىگى سپورتشىعا ءبىر بولمەلى پاتەر سىيلايتىنىن ايتتى.
مەملەكەت تاراپىنان بەرىلەتىن سىيلىقتىڭ تاعى ءبىر يەگەرى - ەربول حاميتوۆ. پاراليمپيادادا 5-ءشى ورىن العان پەتروپاۆلدىق سپورتشىعا 10 مىڭ دوللار (قازىرگى باعام بويىنشا شامامەن 5,07 ملن تەڭگە) تولەنەدى.
2022 جىلى بەيجىڭدە وتكەن قىسقى پاراليمپيادا ويىندارىندا قازاقستان مەدالدىك ەسەپتە ءبىر قولا مەدالمەن اۆستراليا جانە شۆەيتساريامەن 17-ورىندى ءبولىستى.
