وڭالتۋ ورتالىقتارىنا سۇرانىس جوعارى

دەرەك بويىنشا, ەلىمىزدە مۇن­داي بالالاردى مەديتسينالىق وڭال­­تۋ ورتالىقتارىنىڭ جالپى سانى كوپ ەمەس ەكەن, 153 ورتالىق قا­نا تۇراقتى جۇمىس ىستەپ وتىرعان كورى­نەدى. ال ەم الۋعا مۇقتاج بالالار سانى 90 مىڭعا جۋىقتاعان. بۇل ماسە­لە وبلىستاردا, ونىڭ ىشىندە اۋدان­دار مەن اۋىلداردا تىپتەن وتكىر تۇر دەسە دە بولادى.

ارينە, مەملەكەت تاراپىنان جاعدايدى وڭتايلى شەشۋدىڭ قادا­مى بار. وڭىرلەر دە ءوز كۇشىمەن پروبلەمانى شەشۋگە ۇمتىلىپ جاتىر. مىسالعا, وسىنداي يگى ءىس الماتى وب­لىسىندا باستالعالى ءبىرشاما ۋا­قىت بولدى. قازىر ايماقتا 11 وڭال­تۋ ورتالىعى جۇمىس ىستەيدى. ونىڭ تورتەۋى تازا مەملەكەتتىك مەكەمە ەكەن.

جاقىندا سارقان قالاسىندا 40 بالاعا ارنالعان «سەنىم» وڭالتۋ ورتالىعى اشىلدى. ورتالىقتا زا­ما­ناۋي ارنايى قۇرال-جاب­دىق­تار­مەن جابدىقتالعان 22 كابينەت, 55 جوعارى بىلىكتى مامان قىزمەت ەتۋدە. سونىمەن قاتار بۇل مەكەمەگە بالالاردى تاسىمالداۋعا ار­نال­عان ارنايى جاڭا اۆتوكولىك بو­لىن­گەن. مۇندا 8 باعىتتا قىزمەت كورسەتىلەدى. اتاپ ايتقاندا, قىزمەت الۋشىلارعا الەۋمەتتىك-مادەنيەت, الەۋمەتتىك-ەكونوميكا, الەۋمەتتىك-پسيحولوگيا, الەۋمەتتىك-مەديتسينا, الەۋ­مەتتىك-قۇقىق سالالارى بويىن­شا كومەك بەرىلەدى. بۇدان بولەك نىسان اۋلاسى اباتتاندىرىلىپ, با­لالارعا ارنالعان ويىن الاڭ­قاي­لارى دا جاساقتالعان.

– مۇنداي ورتالىقتاردى مەي­لىن­شە كوپتەپ اشقان ءجون. ەرەكشە كۇ­تىمدى تالاپ ەتەتىن بالالار­دى ۇي­دە ۇستاماۋ كەرەك. بالانى ارنايى بى­لىك­تى ماماندارعا اپارۋ ارقىلى قانداي دا ءبىر جەتىستىكتەرگە جەتۋگە بو­لا­دى. سارقان اۋدانىندا اشىلعان ورتالىقتىڭ ەرەكشەلىگى, بۇل جەردە بالالاردى تاڭنان كەشكە دەيىن قال­دىرۋعا بولادى. سونداي-اق شال­عاي اۋىلداردان قاتىنايتىندار اتا-اناعا وسى ورتالىقتا 6 ايعا دەيىن قالىپ, ەم قابىلداۋىنا بولا­دى», دەيدى الماتى وبلىستىق جۇ­­­مىسپەن قامتۋدى ۇيلەستىرۋ جانە الەۋ­مەتتىك باعدارلامالار باس­­­قار­ما­­سىنىڭ باسشىسى مارجان مۇرات­قىزى.

ال ءسال بۇرىن ءدال وسىنداي وڭال­­تۋ ورتالىعى جامبىل اۋدانىنىڭ ۇزىناعاش اۋىلىندا اشىل­عان بو­لا­­تىن. مۇندا ورتالىق اۋرۋحا­نا­نىڭ اكىمشىلىك عيماراتىنا كۇردەلى جوندەۋ جۇرگىزىلىپ, كولەمى 810 شارشى مەتردى قۇرايتىن ارنايى ورىن پايدالانۋعا بەرىلگەن. قازىر بۇل ورتالىقتا وتىزدان استام مۇمكىندىگى شەكتەۋلى بالا تۇراقتى الەۋمەتتىك كومەك الىپ وتىر. ال جامبىل اۋدانىندا كومەككە مۇقتاج 200-گە جۋىق بالا بار ەكەن.

ەندى بالالاردى وڭالتۋ ورتا­لى­عى پانفيلوۆ اۋدانىنان دا اشىلماق. جاقىندا وبلىس اكىمى قانات بوزىمباەۆ وسى اۋدانعا جاسا­عان ساپارى بارىسىندا جار­كە­نت قا­لا­سىنداعى اكىمدىكتىڭ رەزيدەن­تسيا­­سىن بالالاردى وڭالتۋ ورتا­لى­عى­نا اينالدىراتىنىن ايتتى.

– ءسوز رەتى كەلگەندە ايتا كەتە­يىن, وسى جاركەنت قالاسىندا وبلىس اكىمىنىڭ رەزيدەنتسياسى تۇر. جە­رىنىڭ كولەمى – 1 گەكتار. ماعان سول رەزيدەنتسيانىڭ قاجەتى جوق. اۋداندا قوناتىن جاپ-جاقسى قوناق ۇيلەر بار. تاماقتى ءدامدى دايىندايتىن ءدامحانالار كوپ. سوندىقتان رەزيدەنتسيانى بالالاردى وڭالتۋ ورتالىعىنا وتكىزىپ بەرەمىن. بۇل بالاسىنىڭ ءومىر ءسۇرۋى ءۇشىن ءار ءساتىن كۇرەسپەن وتكىزىپ جاتقان, ەرەكشە بالالاردى باعىپ-قاعىپ وتىرعان اتا-اناعا وتە كەرەكتى ورتالىق بولار ەدى دەپ ويلايمىن, – دەدى پانفيلوۆ اۋدانىندا تۇرعىندارمەن كەزدەسۋ وتكىزگەن ق.بوزىمباەۆ.

ال جاركەنتتەگى وبلىس اكىمىنىڭ رەزيدەنتسياسى 2013 جىلى سالىنعان بولاتىن. ءبىر قاباتتى عيماراتتىڭ جالپى اۋدانى 910 شارشى مەتر ەكەن. الداعى كەزەڭدە اكىمدىك عيما­رات­تىڭ بالالاردى وڭالتۋ ورتا­لىعىنا اينالۋى ايماقتاعى مەدي­تسينا كومەگىنە مۇقتاج ەرەكشە بالالاردى قۋانتارى ءسوزسىز.

الماتى وبلىسى