«16 ناۋرىزدان باستاپ رەسەي فەدەراتسياسى ەۋروپا كەڭەسىنىڭ مۇشەسى بولۋدى توقتاتادى», دەپ جازادى تاسس.
بۇگىن تاڭەرتەڭ كمسە كەزەكتەن تىس وتىرىسىندا ەۋروپا كەڭەسى جارعىسىنىڭ 8-بابىنا سايكەس باستالعان ءراسىم اياسىندا رەسەي فەدەراتسياسى ۇيىم جۇمىسىنا 26 جىل قاتىسقاننان كەيىن بۇگىننەن باستاپ ەۋروپا كەڭەسىنىڭ مۇشەسى بولۋدى توقتاتادى دەپ شەشتى.
رەسەي ءسىم 10 ناۋرىزدا ەۋروپا كەڭەسىنىڭ قايتارىمسىز جويىلاتىنىن ايتىپ, رەسەيدىڭ ۇيىمعا قاتىسۋىن توقتاتاتىنىن مالىمدەدى. ماسكەۋدىڭ ۇستانىمىنا تۇسىنىكتەمە بەرە وتىرىپ, مينيسترلىك باتىستىڭ ۇستەمدىگى مەن ءنارتسيسسيزمىن سەبەپ رەتىندە اتادى.
ايتا كەتسەك, رەسەي ەۋروپا كەڭەسىنىڭ قۇرامىنا 1996 جىلى كىردى. ەكى جىلدان كەيىن ەل ادام قۇقىقتارى مەن نەگىزگى بوستاندىقتارىن قورعاۋ تۋرالى ەۋروپالىق كونۆەنتسيانى راتيفيكاتسيالاپ, گۋمانيزم مەن دەموكراتيا قاعيداتتارىنا دەگەن ادالدىعىن راستاعان ەدى.
