حاتتاما وداقتىڭ ورتاق ەلەكتر ەنەرگەتيكالىق نارىعىن قالىپتاستىرۋ, ونىڭ جۇمىس ىستەۋى جانە ونى دامىتۋ قاعيداتتارىن كوزدەيدى:
- مۇشە مەملەكەتتەردىڭ كەز كەلگەنىنە تەڭ قۇقىقتىق, ءوزارا تيىمدىلىك جانە ەكونوميكالىق زالال كەلتىرمەۋ نەگىزىندەگى ىنتىماقتاستىق;
- ەلەكتر ەنەرگياسىن وندىرۋشىلەر مەن تۇتىنۋشىلاردىڭ ەكونوميكالىق مۇددەلەرىنىڭ تەڭگەرىمىن ساقتاۋ;
- نارىقتىق قاتىناستارعا جانە ادال باسەكەلەستىككە نەگىزدەلگەن تەتىكتەردى باسىم پايدالانۋ;
- ەلەكتر ەنەرگەتيكاسى سالاسىنداعى تابيعي مونوپوليالار سۋبەكتىلەرىنىڭ كورسەتىلەتىن قىزمەتتەرىنە كەدەرگىسىز قول جەتكىزۋدى قامتاماسىز ەتۋ; مۇشە مەملەكەتتەردىڭ قاتار جۇمىس ىستەيتىن ەلەكتر ەنەرگەتيكالىق جۇيەلەرى نەگىزىندە وداقتىڭ ورتاق ەلەكتر ەنەرگەتيكالىق نارىعىن كەزەڭ-كەزەڭىمەن قالىپتاستىرۋ جانە دامىتۋ;
- مۇشە مەملەكەتتەردىڭ ەنەرگەتيكالىق قاۋىپسىزدىگىن ەسكەرە وتىرىپ, مۇشە مەملەكەتتەر سۋبەكتىلەرى اراسىندا ەلەكتر ەنەرگياسىنىڭ ساۋداسىن جۇزەگە اسىرۋ.
شارتقا قاتىسۋشى ەلدەر وداقتىڭ ورتاق ەلەكتر ەنەرگەتيكالىق نارىعىنىڭ جۇمىس ىستەۋ قاعيدالارىن دايىنداۋ جانە كەلىسۋ بويىنشا جۇمىس جۇرگىزەدى.
ەنەرگەتيكا ءمينيسترى تۇسىندىرگەندەي, ورتاق نارىقتى قالىپتاستىرۋ مۇشە مەملەكەتتەردىڭ شارۋاشىلىق جۇرگىزۋشى سۋبەكتىلەرىنە جاسالعان شارتتار شەڭبەرىندە ءوزارا ەلەكتر ەنەرگياسىمەن ساۋدانى جۇزەگە اسىرۋعا مۇمكىندىك بەرەدى.
سونداي-اق, ەلەكتر ەنەرگياسىن ناقتى جەتكىزۋدىڭ جوسپارلى ماندەردەن ساعاتتىق اۋىتقۋلارىن رەتتەۋ ءۇشىن تەتىك قۇرۋ كوزدەلەدى, بۇل كەلىسىلگەن كەستەلەردى ساقتاۋ ءۇشىن جاۋاپكەرشىلىكتى ارتتىرادى.
ەلەكتر ەنەرگياسى نارىعىن قۇرۋدىڭ اسەرى ءوندىرۋشى جانە بەرۋشى قۋاتتاردى پايدالانۋ تيىمدىلىگىن ارتتىرۋدان, ەلەكتر ەنەرگياسىنىڭ ءوزارا جانە سىرتقى ساۋداسى كولەمىنىڭ وسۋىنەن كورىنەدى.
وسىلايشا, ەنەرگيا ءوندىرۋشى ۇيىمدار اراسىندا باسەكەلەستىك ارتادى دەپ بولجانۋدا.