ۆەدومستۆونىڭ حابارلاۋىنشا, بۇل ءتۋريزمدى تەز ارادا قالپىنا كەلتىرۋ ءۇشىن جاسالىپ وتىر.
«وزبەكستاننىڭ قازاقستانمەن شەكاراسىنداعى بارلىق وتكىزۋ بەكەتتەرى ارقىلى ەكى ەل ازاماتتارىن ەركىن وتكىزۋ بويىنشا بارلىق شەكتەۋلەر الىنادى», دەپ حابارلايدى ۆەدومستۆو وكىلدەرى.
ۆاكتسينا پاسپورتى نەمەسە سەرتيفيكاتى بار ازاماتتار پتر-تەستىن تاپسىرماي-اق ەلگە ەركىن كىرە بەرەدى. اتالعان قۇجاتى جوق ازاماتتار 72 ساعات ىشىندە جارامدى پتر-تەستىنىڭ ناتيجەسىن كورسەتۋى نەمەسە شەكارادان ءوتىپ, وزبەكستان اۋماعىنا كىرگەن كەزدە ەكسپرەسس-تەست تاپسىرۋى كەرەك.
سونىمەن قاتار وزبەكستاننىڭ تۋريزم مينيسترلىگى وزبەكستان مەن تاجىكستان ارالىعىندا كولىك قوزعالىسىنا قويىلعان شەكتەۋلەردىڭ الىناتىنىن ءمالىم ەتتى. تاجىكستان رەسپۋبليكاسىمەن شەكارالاس وتكىزۋ بەكەتتەرىنىڭ جۇمىسىن جانداندىرۋ بويىنشا ءتيىستى شارالار قابىلدانىپ جاتىر.
ەسكە سالا كەتەيىك, 2022 جىلدىڭ 15 قاڭتارىندا وميكرون شتامىنىڭ تارالۋىنا بايلانىستى ەكى ەل ازاماتتارىنا قازاقستان مەن وزبەكستان شەكاراسىنان وتۋگە شەكتەۋ قويىلعان.
