بۇۇ دامۋ باعدارلامسى وسىلاي دەپ دابىل قاعۋدا. سەبەبى اسكەري قيمىلداردان ۋكراينا سوڭعى 20 جىلدا قول جەتكىزگەن ەكونوميكالىق جەتىستىكتەرىنەن ايىرىلىپ, ەكونوميكاسى كۇيرەۋى مۇمكىن. اگەنتتىك اپاتتىڭ الدىن الۋ ءۇشىن كيەۆپەن بىرىگىپ ارەكەت ەتىپ جاتقانىن ايتادى. مىسالى, تۇرعىندار ۇيلەرىن تاستاپ بوسپاس ءۇشىن ازىق-ت ۇلىك پەن تۇرمىسقا قاجەتتى زاتتاردى ساتىپ الۋعا قارجى ءبولۋدى قاراستىرىپ جاتىر.
«ەگەر ۋكراينادا قارۋلى قاقتىعىس ۇزاققا سوزىلاتىن بولسا, ەلدە كەدەيشىلىك كۇرت وسەدى. قارۋلى قاقتىعىسقا دەيىن ۋكراينا حالقىنىڭ 2 پايىزى كەدەيشىلىك جاعدايىندا, ياعني كۇنىنە 5,50 دوللارعا ءومىر ءسۇرىپ كەلگەن. باياندامادا كورسەتىلگەن ساندار شىنىمەن قاتتى الاڭداتادى. ءبىز قارۋلى قاقتىعىستىڭ اپاتتى سالدارىن قازىردىڭ وزىندە كورىپ وتىرمىز. مىسالى, ۋكراينادا كاسىپورىنداردىڭ 50 پايىزى تولىقتاي توقتاپ, قالعانى ءتۇرلى جاعدايدا جۇمىس ىستەپ جاتىر», دەدى بۇۇ دامۋ باعدارلاماسىنىڭ اكىمگەرى احيم شتاينەر.
ۋكرايناعا وزگە دە حالىقارالىق ۇيىمدار جان-جاقتى قولداۋ كورسەتىپ جاتىر.
حالىقارالىق قىزىل كرەست كوميتەتى ۆەنگريادان شىققان گۋمانيتارلىق جۇك كەرۋەنى ۋكراينانىڭ رۋمىنيامەن شەكاراسىنا جەتكەنىن مالىمدەدى. قازىر قىزىل كرەست قورشاۋعا الىنعان سۋمى قالاسىنان 30 اۆتوبۋسپەن بەيبىت تۇرعىنداردى ەۆاكۋتسيالاۋعا كۇش سالىپ جاتىر.
