ەكولوگيا • 15 ناۋرىز، 2022

19 ناۋرىزدا الماتىدا جالپىقالالىق سەنبىلىك وتەدى

62 رەت كورسەتىلدى

الماتى اكىمدىگى تۇرعىنداردى 19 ناۋرىزدا Birge – taza Qazaqstan رەسپۋبليكالىق اكتسياسى اياسىندا جالپى قالالىق سەنبىلىككە قاتىسۋعا شاقىردى، دەپ حابارلايدى Egemen.kz.



سەنبىلىك ۋاقىتى: ساعات 9-دان 12-گە دەيىن بولادى. سونىمەن قاتار، سەنبىلىككە 2 000-نان استام كوممۋنالدىق قىزمەت جۇمىسشى مەن 400-دەن استام ارنايى تەحنيكا شىعادى دەپ كۇتىلۋدە.

«قىسقى كەزەڭنەن كەيىن قالا اۋماعىن، رەكرەاتسيالىق ايماقتاردى، ساياباقتاردى، سكۆەرلەردى، اۋلالاردى، سونداي-اق، ساۋدا وبەكتىلەرىنە، قوعامدىق تاماقتانۋ ورىندارىنا جانە باسقا دا ۇيىمدارعا ىرگەلەس اۋماقتاردى تازارتۋ ءارى جيناۋ جوسپارلانۋدا. جاپپاي اعاش وتىرعىزۋ دا جوسپارلانعان. بارلىق مەنشىك نىسانىنداعى ۇيىمداردىڭ باسشىلارىن، ونىڭ ىشىندە پيك، جكب باسشىلارىن قاجەت بولعان جاعدايدا سەنبىلىككە قاتىسۋشىلاردى ىرگەلەس اۋماقتار مەن اۋلالاردا قوقىس جيناۋعا ارنالعان قۇرالدارمەن، قولعاپتارمەن، قاپتارمەن قامتاماسىز ەتۋدى سۇرايمىز. قوقىس سالىنعان قاپتاردى جول جيەگىنە قويۋ ۇسىنىلادى. ولاردى قالانىڭ كوممۋنالدىق قىزمەتتەرى الىپ كەتەدى»، دەلىنەدى اكىمدىك حابارلاماسىندا.

سەنبىلىك قالا اۋداندارى بويىنشا مىنا ورىنداردا وتەدى: 1) الاتاۋ اۋدانىندا «سوسنوۆىي بور» ەكوپاركىندە جاپپاي اعاش وتىرعىزۋ جانە ىرگەلەس جاسىل ايماقتار اۋماعىن جيناۋ جوسپارلانعان.

2) المالى اۋدانىندا سەنبىلىكتى سايران كولىنىڭ شىعىس جاعالاۋىندا جاپپاي وتكىزۋ جوسپارلانعان.

3) اۋەزوۆ اۋدانىندا – سايران كولىنىڭ باتىس جاعالاۋىندا.

4) بوستاندىق اۋدانىندا – اباي داڭعىلىنىڭ ءبولۋ جولاعىندا.

5) جەتىسۋ اۋدانىندا – گۇلدەر ساياباعىندا.

6) مەدەۋ اۋدانىندا – رەچكا كازاچكا كوشەسى «ۆوستوچكا» تك ارتىندا.

7) ناۋرىزباي اۋدانىندا – №7 قكا-نىڭ ىرگەلەس اۋماعىندا جانە اباي داڭعىلىنىڭ بويىمەن الاتاۋ داڭعىلىنىڭ شىعىسىنا قاراي.

8) تۇركسىب اۋدانىندا – پەتروزاۆودسكايا جانە مايلين كوشەلەرىندەگى جىرالاردا.



 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار