ۋكرايناداعى قاقتىعىس اياسىندا رەسەي يادرولىق كۇشتەرىنىڭ دايىندىق دەڭگەيىن كوتەردى. وسىدان كەيىن بۇۇ باسشىسى مالىمدەمە جاسادى. گۋتەرريش مۇنى «وقيعانىڭ جاندى جابىرقاتاتىن تۇسى» دەپ اتادى.
ء«بىر كەزدەرى ەلەستەتۋ مۇمكىن بولماعان يادرولىق قاقتىعىستىڭ ورىن الۋى تاعى دا ىقتيمال بولدى», دەدى بۇۇ باس حاتشىسى جانە ۋكرايناداعى سوعىس قيمىلدارىن دەرەۋ توقتاتۋعا شاقىردى.
گۋتەرريش رەسەي اسكەرىنىڭ باسىپ الۋىنان كەيىن ۋكرايناداعى زاپوروجە اتوم ەلەكتر ستانتسياسىندا تۇتانعان ورتتەن كەيىن يادرولىق نىساندار قاۋىپسىزدىگىن ساقتاۋعا شاقىردى.
«ۋكراينا حالقىنا قارسى جاسالعان سۇمدىقتى توقتاتىپ, ديپلوماتيا مەن بەيبىتشىلىك جولىنا تۇسەتىن ۋاقىت كەلدى», دەپ تۇيىندەدى بۇۇ باس حاتشىسى.
رەسەي مەن اقش يادرولىق قارۋدىق ەڭ ۇلكەن ارسەنالىنا يە ەكەنى ايتىلدى.
ەسكە سالايىق, رەسەي پرەزيدەنتى ۆلاديمير پۋتين رەسەيلىك تەجەۋ كۇشتەرىن ارنايى جاۋىنگەرلىك كەزەكشىلىك رەجيمىنە كوشىرۋدى بۇيىرعان بولاتىن. مەملەكەت باسشىسىنىڭ ايتۋىنشا, مۇنداي شەشىم - ناتو جەتەكشىلەرىنىڭ اگرەسسيۆ مالىمدەمەلەرىنە جاۋاپ.
