مەملەكەتتىڭ قولداۋى, شاعىن جانە ورتا بيزنەسكە كەلتىرىلگەن شىعىندى وتەۋ جونىندەگى وڭىرلىك كوميسسيانىڭ وتىنىشتەردى قىسقا مەرزىمدە قاراۋى ءبىر-بىرىنە سەپتەسىپ, قالا ەكونوميكاسىن قالپىنا كەلتىرۋدى جەدەلدەتتى. Infokazakstan.kz ەلەكتروندى پلاتفورماسىنا 1 188 كاسىپكەردەن 1 355 ءوتىنىم كەلىپ تۇسكەن. وڭىرلىك كوميسسيا وتىرىسىنىڭ قورىتىندىسى بويىنشا, جالپى سوماسى 5 286 ملن تەڭگە بولاتىن 1 139 ءوتىنىم ماقۇلدانسا, ونىڭ ىشىندە بيۋدجەت قاراجاتىنان 4 194 ملن تەڭگەگە 595 ءوتىنىم, «جاڭا الاتاۋ» قورى قارجىسىنان 1 091 ملن تەڭگە سوماسىندا تاعى 544 ءوتىنىم شىعىندارى وتەلىپ جاتىر.
«نەگىزىنەن ساۋدا جانە قىزمەت كورسەتۋ سەكتورى زارداپ شەكتى. وتىنىمدەردىڭ كوپشىلىگى ازىق-ت ۇلىكتىك ەمەس تاۋارلار, اياقكيىمدەردى, كيىمدەردى ساتۋمەن اينالىساتىن كاسىپكەرلەردەن, سونداي-اق تۇرمىستىق تەحنيكا, زەرگەرلىك بۇيىمداردى ساتاتىن ساۋدا ويىن-ساۋىق ورتالىعىنىڭ اۋماعىندا ورنالاسقان ايىرباستاۋ پۋنكتتەرى مەن دۇكەن يەلەرىنەن كەلىپ ءتۇستى», دەدى ە.ورازالين.
قالعان 216 ءوتىنىم پىسىقتاۋعا جىبەرىلدى. ويتكەنى ونىڭ 120-سىنىڭ قۇجاتتارى تۇگەل ەمەس, 96-سى جەڭىلدەتىلگەن تەتىك اياسىندا تولەم سوماسى بويىنشا كەلىسپەۋگە بايلانىستى سوت ساراپتاماسىنا جىبەرىلدى. زارداپ شەككەن بيزنەستى تولىق قامتىپ, قالا ەكونوميكاسىن جەدەل قالپىنا كەلتىرۋ ماقساتىندا كوميسسيا حاتشىلىعى قۇجاتتاردىڭ تولىق پاكەتىن ۇسىنۋدا كومەك كورسەتۋ ءۇشىن Qoldaý كاسىپكەرلىك ورتالىعىنىڭ جانىنان كونسۋلتاتسيالىق شتاب اشتى.
وتەماقىسى ءالى تولەنبەگەن زارداپ شەككەن كاسىپكەرلەر قۇزىرلى مەكەمەلەرگە جۇگىنە الادى. وڭىرلىك كوميسسيانىڭ كەلەسى وتىرىستارى 2022 جىلعى 12, 15 جانە 18 ناۋرىزعا جوسپارلانعان.
بريفينگكە الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ قاتىسىپ, زارداپ شەككەن بيزنەستى قولداۋ ءۇشىن «كۇشىمىز – بىرلىكتە» قورى قۇرىلعانىن حابارلادى. كوميسسيا شەشىمىنەن كەيىن قور قاراجاتى ساۋدا ورىندارى تونالعان, بۇزىلعان الماتى جانە باسقا وڭىرلەردەن كەلگەن كاسىپكەرلەرگە بولىنەدى.
الماتى
