دەكلاراتسيالانباعان اقشا شەكارا اسا جازدادى

2022 جىلدىڭ تەك اقپان ايى­نىڭ وزىندە «جەتىسۋ», «اۋە­جاي-استانا», «اۋەجاي-اقتو­بە», «قازىعۇرت», «اۋەجاي-شىم­كەنت», «اۋەجاي-اكتاۋ» كە­دەن بە­كەتتەرىندە دەكلاراتسيا­لان­با­عان قولما-قول اقشا قارا­جات­تارىن الىپ كەتۋدىڭ 51 دەرەگى انىقتالعان. ولاردىڭ جالپى سوماسى 995 410 دوللاردى قۇراعان.

جالپى, بيىلعى اقپان ايىندا 50 اكىمشىلىك قۇقىق بۇزۋشىلىق تۋرالى, ماتەريال تولتىرىلعان. سونىڭ ىشىندە تاۋارلاردى, قول­ما-قول قاراجاتتى, اقشا قۇ­رالدارىن دەكلاراتسيالاماۋ نەمەسە كەدەندىك دەكلاراتسيالاۋدى انىق مالىمدەمەۋ, قۇجاتتاردا ماعلۇماتتاردى اشىپ جازباۋ سەكىلدى زاڭ بۇزۋشىلىقتار بار. مۇنداي انىقتالعان دەرەكتەرگە بارلىعى 1 531 500 تەڭگە ايىپپۇل سالىنعان.

مەملەكەتتىك كىرىستەر كومي­تەتىنىڭ حابارلاۋىنشا, الماتى قالاسىندا 2022 جىلدىڭ اقپان ايىندا جەكە تۇلعالارعا 37 اكىم­شىلىك قۇقىق بۇزۋشىلىق تۋرالى ماتەريالدار تولتىرىلعان جانە قىلمىستىق قۇقىق بۇزۋ­شىلىق سيپاتىنداعى ءبىر دەرەك انىقتالعان. جەكە تۇلعالار 298 ملن تەڭگەدەن استام, ناقتى ايت­قاندا 688 262 دوللاردى دەكلاراتسيالاماستان الىپ وتپەك بولعان, ولارعا سالىنعان ايىپپۇل كولەمى– 1 133 310 تەڭگە.

الماتى قالاسىنىڭ حالىق­ارالىق اۋەجايىندا «جەتىسۋ» كەدەن بەكەتىنىڭ قىزمەتكەرلەرى «الماتى – ىستانبۇل» قاتى­ناسىنداعى اۋە رەيسىمەن ۇشۋعا با­عىتتالعان قازاقستان ازاما­تىن توقتاتقان. ونى ۇستاۋ كەزىن­دە 97 مىڭ دوللار سوماسىندا دەكلاراتسيالانباعان اقشا قارا­جاتى انىقتالعان. ماتەريال ودان ءارى تەرگەۋ ءۇشىن الماتى قالاسى بويىنشا ەكونوميكالىق تەرگەۋ دەپارتامەنتىنە جىبەرىلدى.

ال ەلوردادا 2022 جىلدىڭ اقپان ايىندا جەكە تۇلعالارعا 9 اكىمشىلىك قۇقىق بۇزۋشىلىق تۋرالى ماتەريالدار تولتىرىلعان. بۇل ازاماتتار 101 341 421 تەڭگەنى دەكلاراتسيالاماستان الىپ وتپەك بولعان, ولار 275 670 تەڭگە كولە­مىندە ايىپپۇل ارقالاعان.

«2022 جىلعى 11 اقپاندا نۇر-سۇلتان قالاسىنىڭ «نۇرسۇلتان نازارباەۆ» حالىقارالىق اۋە­جايىندا «نۇر-سۇلتان – ان­تاليا» حالىقارالىق اۋە رەي­سىمەن ۇشىپ بارا جاتقان جولاۋشىلار كەدەندىك باقىلاۋدان وتكەننەن كەيىن «اۋەجاي-استانا» كەدەن بەكەتىنىڭ قىزمەتكەرلەرى ۇقك شەكارا قىزمەتىنىڭ قىزمەت­كەر­لەرىمەن بىرگە قازاقستان ازا­مات­تارىن ۇستادى. ولاردان 32 552 دوللار كولەمىندە دەكلارا­تسيالانباعان اقشا قاراجاتى انىق­تالدى. سونداي-اق نۇر-سۇلتان قالاسى بويىنشا دەپار­تامەنتىنىڭ «اۋەجاي-استانا» كەدەن بەكەتىنىڭ قىزمەتكەرلەرى تاعى ءبىر ازاماتتى ۇستاپ, ودان 43 070 دوللار سوماسىندا دەكلا­راتسيالانباعان اقشا قاراجاتى انىقتالدى», دەيدى مەملەكەتتىك كىرىستەر كوميتەتى باسقارما باس­شىسىنىڭ ورىنباسارى اينۇر سارتاەۆا.

مەملەكەتتىك كىرىستەر كومي­تەتى «قازاقستان رەسپۋبليكا­سىنداعى كەدەندىك رەتتەۋ تۋرالى» قازاقستان رەسپۋبليكاسى كودەكسىنىڭ 343-بابى 1-تار­ما­عى­نىڭ 7-تارماقشاسى بويىنشا قولما-قول اقشا مىندەتتى تۇر­دە كەدەندىك دەكلاراتسيالاۋدان وتۋ­گە ءتيىس ەكەنىن ەسكە سالادى. كە­دەننەن وتەردە قولما-قول اقشا­نىڭ جانە جول چەكتەرىنىڭ شىعۋ تەگى جانە ماقساتى تۋرالى ما­لىمەتتەردى كورسەتە وتىرىپ, سىرتتان اكەلىنەتىن نەمەسە اكەتىلەتىن قولما-قول شەتەل ۆاليۋتاسى, باس­قا دا اقشا جازباشا تۇردە ناق­تىلانىپ, راستالۋى كەرەك.

مامانداردىڭ ايتۋىنشا, جەكە تۇلعالار تەك 10 مىڭ دوللار بالاماسىنا تەڭ نەمەسە ودان اسپايتىن قولما-قول ۇلتتىق جانە شەتەل ۆاليۋتاسىن قازاقستانعا اكەلۋگە نەمەسە الىپ شىعۋعا قۇ­قىلى.