قوعام دا قاڭتار وقيعاسىنا بايلانىستى كوكەيىندەگى سۇراقتاردىڭ كەيبىرىنە جاۋاپ الدى. ۇلتتىق ۇلانعا كەلسەك, تاۋەلسىزدىك العان كەزدەن بەرى قوعامدىق قاۋىپسىزدىكتى كۇزەتىپ كەلەمىز. 30 جىلدىڭ ىشىندە ۇلتتىق ۇلاننىڭ جەكە قۇرامىنا حالىق تاراپىنان, قوعام تاراپىنان, مەملەكەت تاراپىنان ەشقانداي شاعىم ايتىلىپ كورگەن جوق. ىشكى ىستەر ورگاندارىمەن بىرگە قوعامدىق قاۋىپسىزدىكتى قامتاماسىز ەتەتىن اسكەري ۆەدومستۆو بولعاندىقتان, قاڭتارداعى جاپپاي تارتىپسىزدىك كەزىندە ءبىرىنشى بولىپ وقيعا ورنىنا باردىق.
ۇلتتىق ۇلاننىڭ جەكە قۇرامى ءاردايىم اياق استىنان پايدا بولاتىن شۇعىل مىندەتتەردى ورىنداۋعا دايىن ەكەنىن قاڭتار وقيعاسى تاعى كورسەتتى. بۇعان دەيىن قورداي وقيعاسى كەزىندە دە, باسقا وڭىرلەردە دە ەلدىڭ تىنىشتىعىن قورعاۋ, احۋالدى تۇراقتاندىرۋ ءۇشىن سەنىمدى قىزمەت ەتكەن بولاتىنبىز. بۇل جولى اسىرەسە الماتى قالاسىندا ۇلتتىق ۇلاننىڭ جەكە قۇرامى ىشكى ىستەر ورگاندارىمەن بىرگە مىندەتىن مۇلتىكسىز ورىنداپ, سەنىپ تاپسىرىلعان نىسانداردى قورعاپ قالدى, ءبىر دە ءبىر نىساندى تاستاپ كەتكەن جوق. بۇگىندە ۇلكەن جۇمىس جۇرگىزىپ جاتىرمىز. پرەزيدەنت ۇلتتىق ۇلاندى ساندىق, ساپالىق تۇرعىدان نىعايتۋ كەرەكتىگىن ايتقان بولاتىن. ول ۇلتتىق ۇلاننىڭ ارەكەتىنە جوعارى باعا بەرىپ, مەملەكەت پەن قوعامنىڭ قاۋىپسىزدىگىن قورعاۋعا قابىلەتتى ورگان ەكەنىن ايتتى.
مەملەكەت باسشىسى قاڭتار وقيعاسى كەزىندە وتە ناقتى, باتىل شارالار قابىلداي ءبىلدى. سونىڭ ارقاسىندا تۇراقتىلىق قالپىنا كەلدى. ءماجىلىستىڭ بۇگىنگى جالپى وتىرىسىندا باس پروكۋرور دا, ىشكى ىستەر ءمينيسترى دە دەسترۋكتيۆتى كۇشتەردىڭ ۇيىمداسقان تۇردە ارەكەت ەتكەنىن راستادى. ءبىزدىڭ «ۇلتتىق ۇلان – ءبىرتۇتاس جاۋىنگەرلەر جانۇياسى. ارتىمىزدا – حالىق, ارتىمىزدا – ەلىمىز» دەگەن ۇرانىمىز بار. قاڭتار وقيعاسى كەزىندە وسى ۇرانعا ساي ارەكەت ەتتىك.
ساۆەردين يميروۆ,
ۇلتتىق ۇلان اسكەري كەڭەسىنىڭ حاتشىسى
