وبلىستىق مادەنيەت باسقارماسىنىڭ باسشىسى ەرلان قالماقوۆتىڭ ايتۋىنشا, اۋەجايعا ۇلت ۇستازىنىڭ ەسىمى بەرىلدى دەۋگە ءالى ەرتەرەك. ويتكەنى بۇل ماسەلە الداعى ۋاقىتتا رەسپۋبليكالىق ونوماستيكالىق كوميسسيا وتىرىسىندا قارالاتىن بولادى.
«قولدانىستاعى زاڭناماعا سايكەس, نىساندارعا كىسى ەسىمىن بەرۋ ماسەلەسىن ءبىرىنشى كەزەكتە ۇجىمنىڭ ءوزى شەشەدى. ءبىز ول كەزەڭنەن وتتىك. ياعني, اۋەجاي ۇجىمى وزدەرى باستاما كوتەرىپ, تالقىلاپ, وڭ شەشىم قابىلدادى. ءتارتىپ بويىنشا, ەكىنشى كەزەڭدە بۇل ماسەلە وبلىستىق ءماسليحات دەپۋتاتتارىنىڭ قاراۋىنا ەنگىزىلۋى كەرەك. بۇگىنگى سەسسياعا قاتىسقان 128 ادام اۋەجاي ۇجىمىنىڭ ۇسىنىسىن ءبىراۋىزدان قولداپ داۋىس بەردى. قازىر رەسپۋبليكالىق ونوماستيكالىق كوميسسيانىڭ قاراۋىنا جىبەرىلەتىن قۇجاتتار ازىرلەنىپ جاتىر», دەدى باسقارما باسشىسى.
