دۇيسەنبىدە نۇر-سۇلتان ۋاقىتى بويىنشا ساعات 9:51-دە Brent ماركالى مۇناي فيۋچەرستەرى باررەلىنە 109,62 دوللارعا (شامامەن 58 000 تەڭگە) ءتۇستى, بۇل الدىڭعى سەسسيا جابىلعان باعادان 2,7 پايىزعا تومەن.
امەريكالىق West Texas Intermediate (WTI) مۇنايىنىڭ فيۋچەرستەرى 2,8 پايىزعا تومەندەپ, باررەلىنە 106,23 دوللارعا (شامامەن 56 000 تەڭگە) تەڭ بولدى.
ۋكرايناداعى سوعىس پەن قىتايداعى كوروناۆيرۋسقا قاتىستى شەكتەۋلەردىڭ كۇشەيۋىنە بايلانىستى سوڭعى اپتالاردا مۇناي باعاسى قۇبىلمالى بولعانى ايتىلدى.
«مۇناي باعاسى وسى اپتادا تومەندەۋى مۇمكىن, ويتكەنى ينۆەستورلار رەسەيگە قارسى سانكتسيالار اسەرىن سەزىپ جاتىر, ال تاراپتار اتىستى توقتاتۋ تۋرالى كەلىسىم بەلگىلەرىن كورسەتتى. وسى اپتادا اقش-تىڭ اشىق نارىق فەدەرال كوميتەتى وتىرىسىندا اقشا-نەسيە ساياساتىنا نازار اۋدارىلادى, بۇل دوللاردى ودان ءارى نىعايتىپ, تاۋار باعاسىنا قىسىم جاساۋى مۇمكىن», دەپ ءتۇسىندىردى CMC Markets تالداۋشىسى تينا تەن.
اقش اشىق نارىق فەدەرال كوميتەتى (FOMC) 15-16 ناۋرىزدا پايىزدىق مولشەرلەمەلەردى كوتەرۋ تۋرالى شەشىم قابىلداۋعا جينالادى. فەدەرال رەزەرۆتىك جۇيە وسى اپتادا مولشەرلەمەلەردى كوتەرە باستايدى دەپ كۇتىلەدى, بۇل مۇناي باعاسىنا قىسىم تۇسىرەدى, شەتەل ۆاليۋتاسىن ۇستاۋشىلارعا تاۋارلار قىمباتتايدى.
«رەسەي مەن ۋكراينا اراسىنداعى جاعداي وتە قۇبىلمالى جانە نارىق وسى باعىتتاعى وقيعالارعا وتە سەزىمتال. سونىمەن قاتار, قىتايدا COVID-19 جاعدايلارىنىڭ كوبەيۋى سۇرانىسقا قاتىستى الاڭداۋشىلىق تۋدىرادى», دەدى ING تاۋاردى زەرتتەۋ ءبولىمىنىڭ باسشىسى ۋوررەن پاتتەرسون.
الەمدەگى ەڭ ءىرى شيكى مۇنايدى يمپورتتاۋشى جانە اقش-تان كەيىنگى ەكىنشى تۇتىنۋشى قىتايدا COVID-19 جۇقتىرۋ جاعدايلارىنىڭ ءوسۋى بايقالادى.
