ونىڭ ايتۋىنشا, وقيعا سالدارىنان بارلىعى 230 ادام قازا تاپقان, ولاردىڭ ىشىندە 19 اسكەري جانە قاۋىپسىزدىك كۇشتەرىنىڭ قىزمەتكەرلەرى.
«الماتىنىڭ وزىندە 139 ادام قازا تاپتى. بۇگىنگى كۇنى اكىمشىلىك عيماراتتاردىڭ شابۋىلدارىنا تويتارىس بەرۋ كەزىندە جانە قۇقىق ءتارتىبىن ورناتۋ بارىسىندا 86 شابۋىلداۋشى جويىلعانى انىقتالدى. 53 ادام بويىنشا ءولىمنىڭ ءمان-جايى انىقتالۋدا. ولار قالا اۋماعىندا ءارتۇرلى جاراقاتتارمەن, سونىڭ ىشىندە 48 - اتىس, 2 - پىشاق, 3 - باسقا جاراقاتتارمەن جانە كۇيىكتەرمەن تابىلدى», دەپ ءتۇسىندىردى قر باس پروكۋرورى بەرىك اسىلوۆ.
ونىڭ ايتۋىنشا, باسقا جەتى وڭىردە 63 شابۋىلداۋشى اكىمدىك, پوليتسيا جانە ۇقك دەپارتامەنتىنىڭ عيماراتتارىن قورعاۋ كەزىندە قۇقىق قورعاۋ كۇشتەرىمەن جويىلدى.
«بۇگىنگى تاڭدا ءبىز كەزدەيسوق اتىسقا تۇسكەن 20 ازاماتتىڭ قايتىس بولعانى تۋرالى ناقتى بىلەمىز. ونىڭ 11-ءى الماتى قالاسىندا, 8-ءى الماتى وبلىسىندا جانە 1-ءۋى تارازدا. ولاردىڭ ىشىندە ايقاس وتتىڭ استىنا تۇسكەندەر, لاڭكەستەردىڭ قولىنان قازا تاپقاندار, سونداي-اق بلوك-بەكەتتەردە اسكەري تالاپتارعا باعىنباعاندار دا بار», دەپ قوستى بەرىك اسىلوۆ.
