تاتۋلىقتىڭ مەكەنى

قازاقستان – حا­­­­­لىقتار دوستى­عىنىڭ مەكەنى. بۇل – قۇر ءسوز, بوس پافوس نە جاي انشەيىن ماقتاۋ ەمەس. 130-دان استام ۇلت پەن ۇلىستىڭ وكىلى تاتۋ-ءتاتتى تىرشىلىك كەشىپ, بەيبىت ءومىر ءسۇرىپ جاتىر. ءتىلى, ءدىنى, ءدىلى, سالت-ءداستۇرى مەن ادەت-عۇرپى ساقتالىپ, ونىڭ ءوسىپ-وركەندەۋىنە جاعداي جاسالىپ وتىر. مۇنىڭ ءبارى ەڭ الدىمەن ەلباسى نۇرسۇلتان نازارباەۆتىڭ سىندارلى سايا­ساتى مەن كورەگەن كوشباسشىلىعىنىڭ ارقاسىندا ىسكە اسقان دۇنيە. تاۋەلسىزدىكتىڭ العاشقى جىلدارىندا ەلىمىزدە قازاقستان حالقى اسسامبلەياسى قۇرىلدى. بۇل الەمنىڭ ەشبىر مەملەكەتىندە جوق قۇرىلىم ەدى. العاشىندا مۇنداي ينستيتۋتتىڭ قۇرىلعانىنا كۇمانمەن قاراعاندار بولدى. دەگەنمەن, ۋاقىت-اعزام قازاقستان حالقى اسسامبلەياسىنىڭ ۇلتتار اراسىنداعى تاتۋلىق پەن دوستىقتى ساقتاۋدا تاپتىرماس قۇرال ەكەنىنە كوز جەتكىزدى. بۇگىندە الەمنىڭ كەيبىر مەملەكەتتەرى قازاقستاننىڭ باستاماسىمەن ومىرگە كەلىپ, جۇزەگە اسقان وسى ءادىستى ءوز ەلدەرىندە پايدالانىپ جاتىر. وسىنىڭ وزىنەن-اق ءبىزدىڭ ەلدىڭ دۇرىس باعىتتا دامىپ كەلە جاتقانىن بايقاۋعا بولادى. وسى ءساۋىر ايىندا قازاقستان حالقى اسسامبلەياسىنىڭ كەزەكتى ءححى سەسسياسى وتەدى. راسى كەرەك, ۇلتتار ارا­سىنداعى ەمەس, قاراپايىم ادامدار ورتاسىندا دا كەلىسىم, ىنتىماقتاستىق مادەنيەتى بولۋى كەرەك. ءبىر-ءبىرىنىڭ بەتىنەن الىپ, جاعاسىنا جارماسپاي, بەيبىت تۇردە ديالوگ قۇرۋدىڭ ءوزى ۇلكەن مادەنيەتتىلىكتى قاجەت ەتەدى. قوعامداعى ءاربىر پىكىردى تىڭداپ, جول-جورالعىسىنا توزىمدىلىك تانىتىپ, ۇستانىمىنا تولەرانتتىلىقپەن قاراۋ دا ادامدىقتىڭ ءبىر كورىنىسى. شۇكىر دەيىك, بۇل تۇرعىدا قازاقستان حالقىنىڭ اراسىندا تۇسىنىستىك بار. وسى جولىمىزدان اينىماي, سالعان سۇرلەۋىمىزدى داڭعىلعا اينالدىرۋ باستى مىندەتتەرىمىزدىڭ ءبىرى. كورەگەن كوشباسشىمىز, بىرلىگى جاراسقان حالقىمىز باردا الاۋىزدىقتىڭ اۋىلى بىزدەن الىس بولاتىنىنا سەنەمىن. سوندىقتان قازاقستان اتتى ورتاق ءۇيىمىزدىڭ شاڭىراعىن شايقالتپاۋ ءۇشىن ءاربىر ۇلتتىڭ وكىلى ايانباي جۇمىس ىستەي بەرەدى دەپ ويلايمىن. گاليا گيزاتۋللينا, قىزىلوردا وبلىستىق تاتار ەتنومادەني بىرلەستىگىنىڭ ءتورايىمى. قىزىلوردا.