بۇل مەرەكە تۋرالى عالىمدار پىكىرى ارقيلى. كورىسۋ كۇنىن زەرتتەپ, زەردەلەپ جۇرگەن عالىمداردىڭ كەيبىرى بۇل كۇندى گەوگرافيالىق ەرەكشەلىكتەرمەن بايلانىستىرسا, كەيبىرى ناۋرىز مەيرامىنىڭ العاشقى مەرەكەسى دەپ قابىلدايدى. ال كەيبىر عالىمدار بۇل ءداستۇردىڭ شىعۋ توركىنىن كۇنتىزبەنىڭ اۋىسۋىمەن بايلانىستىرادى.
تاريحشىلار مالىمەتىنە سۇيەنسەك, 1918 جىلدىڭ 24 قاڭتارىندا حالكوم كەڭەسى گريگوريان كۇنتىزبەسىن قولدانىسقا ەنگىزەدى. بىراق, ەكى كۇنتىزبە ايىرماشىلىعى 13 كۇن بولىپ قالعان. سوعان بايلانىستى 1918 جىلدىڭ 31 قاڭتارىندا ەسكى كۇنتىزبەنى اياقتاپ, 14 اقپاندا كەلەسى ايدى باستاعان. وسى دەرەكتى باسشىلىققا السا 1 ناۋىرىز -14 ناۋرىزعا تاپ كەلەدى. ول - جىل باسى, كۇنتىزبەدەگى كوكتەمنىڭ العاشقى كۇنى سانالعان.
