دالىرەك ايتقاندا, جىل باسىنان باستاپ, ەڭبەكشى اۋدانى تۇرعىندارى كوتەرگەن جالپى 28 وزەكتى ماسەلەنىڭ بۇگىندە 16-ى وڭ شەشىمىن تاۋىپ وتىر.
بۇل جونىندە بۇگىن اۋدان اكىمى دوسبول ەسىلبەك قالا باسشىسىنىڭ اۋدان بەلسەندىلەرىمەن كەزەكتى "اشىق ديالوگ" فورماتىندا وتكەن جيىندا بايانداپ, جيىنعا قاتىسقان اۋدان بەلسەندىلەرى تاراپىنان ءاربىر جۇمىس ناتيجەلەرى راستالدى.
جيىنعا اۋداندىق ارداگەرلەر كەڭەسىنىڭ توراعاسى زۇلپىحار سارسەنباي ۇلى, اۋداندىق قوعامدىق باقىلاۋ كەڭەسىنىڭ مۇشەلەرى جانە اۋدان تۇرعىندارى قاتىستى.
اۋدان بويىنشا 28 حاتتامالىق تاپسىرما بەرىلگەن. بۇگىندە 16 ماسەلە شەشىمىن تاپتى. قالعانى بەلگىلەنگەن كەستەگە سايكەس ورىندالۋ بارىسىندا.
ەلتاي تۇرعىن الابى توعىس وزەنىندەگى كوپىرگە كۇردەلى جوندەۋ جۇمىستارىن جۇرگىزۋ بويىنشا ءتيىستى مەكەمەلەرمەن تەحنيكالىق زەردەلەۋ جۇمىستارى قولعا الىنعان. كۇردەلى جوندەۋ جۇمىستارى ءۇشىن اقاۋ اكتىسى ازىرلەنىپ, اكىمدىك قاۋلىسى قابىلدانادى.
جۇمىستاردى ماۋسىم ايىندا اياقتاپ, جسق قۇجاتتاماسىن ازىرلەۋگە قارجى قاراستىرۋ بويىنشا بيۋدجەتتىك ءوتىنىم ۇسىنىلادى.
بۇگىندە ابدۋلاباد تۇرعىن الابىندا كەڭساي-2 كوشەسىن ورتاشا جوندەۋ جانە اياق جول سالۋ ءۇشىن سمەتالىق قۇجاتتار ازىرلەندى (0,8 شاقىرىم, 35 ملن. تەڭگە). ناۋرىز ايىنداعى بيۋدجەتتىك ناقتىلاۋعا ءوتىنىم بەرىلدى.
قاراباستاۋ تۇرعىن الابىندا «وڭتۇستىكجارىقترانزيت» جشس-مەن بۇگىندە 160 تۇرعىن ءۇي ەلەكتر قۋاتىنا قوسىلدى. ابونەنتتەۋ جۇمىستارى ناۋرىز ايىنىڭ سوڭىنا دەيىن اياقتالادى.
جيىندا شاhار باسشىسى اۋدان اكىمدەرىنە تاپسىرمالاردىڭ ورىندالۋ بارىسىن پايىزدىق كورسەتكىشتەرمەن اي سايىن بايانداپ وتىرۋدى تاپسىردى.
اۋدان بەلسەندىلەرى شەشىمىن تاپقان ماسەلەلەر بويىنشا ريزاشىلىعىن ءبىلدىردى.
