قىزىلوردا وبلىسىنىڭ سولتۇستىگىندە كوكتايعاق, تۇمان كۇتىلەدى. جەل باتىستان سوعادى, كۇندىز وبلىستىڭ ورتالىعىندا ونىڭ كۇشى 15-20 م/س ارتادى.
اقتوبە وبلىسىنىڭ ورتالىعىندا, وڭتۇستىگىندە جاياۋ بۇرقاسىن بولجانادى.
الماتى قالاسىندا كۇندىز قاتتى جاڭبىر جاۋادى.
ماڭعىستاۋ وبلىسىنىڭ سولتۇستىگىندە, باتىسىندا تۇمان, كوكتايعاق بولادى.
باتىس قازاقستان وبلىسىنىڭ باتىسىندا تۇمان كۇتىلەدى.
قوستاناي وبلىسىنىڭ وڭتۇستىگىندە, سولتۇستىك-شىعىسىندا جاياۋ بۇرقاسىن بولجانادى. ءوڭىردىڭ وڭتۇستىگىندە تۇمان,15-20 م/س ەكپىندە جەل كۇتىلەدى.
اقمولا وبلىسىنىڭ وڭتۇستىك جارتىسىندا جاياۋ بۇرقاسىن بولادى. شىعىستان, سولتۇستىك-شىعىستان جەل سوعادى, كۇشى وڭتۇستىكتە 15-20 م/س ارتادى.
كۇندىز شىعىس قازاقستان وبلىسىنىڭ شىعىسىندا, تاۋلى اۋداندارىندا قاتتى جاۋىن-شاشىن (كوبىنەسە قار) كۇتىلەدى. تۇندە جانە تاڭەرتەڭ باتىستا, سولتۇستىكتە تۇمان بولجانادى. كۇندىز وبلىستىڭ ورتالىعىندا, وڭتۇستىگىندە, شىعىسىندا جاياۋ بۇرقاسىن جۇرەدى. جەل سولتۇستىك-شىعىستان سوعادى, ەكپىنى 23 م/س ارتۋى ىقتيمال.
نۇر-سۇلتان قالاسىندا جاياۋ بۇرقاسىن كۇتىلەدى. سولتۇستىك-شىعىستان جەل سوعادى, ەكپىنى 15-20 م/س كۇشەيەدى.
شىمكەنت قالاسىندا نايزاعاي ويناپ, وڭتۇستىك-باتىستان جەل سوعادى, ەكپىنى 15-20 م/س ارتادى.
قاراعاندى وبلىسىنىڭ سولتۇستىگىندە, ورتالىعىندا كوكتايعاق, جاياۋ بۇرقاسىن كۇتىلەدى. جەلدىڭ ەكپىنى سولتۇستىك-شىعىستان وڭتۇستىك-باتىسقا اۋىسىپ, وبلىستىڭ سولتۇستىگىندە ەكپىنى 15-20 م/س كۇشەيەدى. تۇندە وبلىستىڭ شىعىسىندا تۇمان بايقالادى.
13-15 ناۋرىز ارالىعىندا تۇركىستان, جامبىل جانە الماتى وبلىستارىنىڭ تاۋ ەتەگىندەگى اۋداندارىندا قار ارالاس جاۋىن-شاشىن (كوبىنە جاڭبىر) بولجامدارىنا سايكەس, بەتكەيلى اعىننىڭ قالىپتاسۋى جانە وزەندەردە سۋ دەڭگەيىنىڭ كوتەرىلۋى كۇتىلەدى.
پاۆلودار وبلىسىنىڭ وڭتۇستىگىندە جاياۋ بۇرقاسىن كۇتىلەدى. سولتۇستىك-شىعىستان جەل سوعادى, تۇندە وڭتۇستىگىندە, كۇندىز وبلىستىڭ باسىم بولىگىندە ەكپىنى 15-20 م/س جەتۋى مۇمكىن.
كۇندىز سولتۇستىك قازاقستان وبلىسىنىڭ وڭتۇستىگىندە جاياۋ بۇرقاسىن كۇتىلەدى. شىعىستان جەل سوعادى, وبلىستىڭ وڭتۇستىك-شىعىسىندا كۇشى 15-20 م/س قۇرايدى.
