قارجىلىق مونيتورينگى اگەنتتىگىنىڭ مالىمەتىنشە, اقشا قالا نىساندارىنىڭ بىرىندە قۇرىلىس-مونتاج جۇمىستارىن جۇرگىزۋگە ارنالعان.
قىلمىستىق ءىس «ەلەكترومونتاج» اق فيليالىنىڭ ديرەكتورى سارسەنباەۆ پەن ورال قالاسى مم قۇرىلىس باسقارماسى باستىعىنىڭ ورىنباسارى يسمانوۆقا قاتىستى جۇرگىلىگەن.
تەرگەۋ بارىسىندا ورال قالاسىنداعى «پدپ تۇرعىن الابىن ەلەكترمەن قامتۋ» نىسانىندا قۇرىلىس-مونتاج جۇمىستارىن جۇرگىزۋگە ارنالعان اقشانىڭ ۇرلانعانى انىقتالدى.
ەكى كۇدىكتىگە دە سوت ۇكىم شىعاردى.
قالالىق قۇرىلىس ءبولىمى باستىعىنىڭ ورىنباسارى يسمانوۆ قازاقستان رەسپۋبليكاسى قىلمىستىق كودەكسىنىڭ 371-بابىنىڭ 2-بولىگىمەن (ابايسىزدا اۋىر زارداپتارعا اكەپ سوققان) 2 جىل باس بوستاندىعىن شەكتەۋ, ودان ءارى مەملەكەتتىك ورگانداردا باسشى لاۋازىمداردى اتقارۋ قۇقىعىنان ايىرىلدى.
ۆەدومستۆونىڭ مالىمەتىنشە, كەلتىرىلگەن شىعىن كولەمى تولىعىمەن وتەلگەن.
