ەلباسىنىڭ ءار جىلعى حالىققا ارنالعان ءسوزى ۇعا بىلگەن كىسىنى تەرەڭ ويعا باستايدى. ءبىراز ۋاقىتتان بەرى ءبىلىم بەرۋ سالاسىنداعى ىستەرگە ارالاسىپ ءجۇرگەن ادام رەتىندە تۇڭعىش پرەزيدەنتىمىزدىڭ الەمدەگى دامۋ سارىنىن قىراعىلىقپەن باعامداپ, كەزەك كۇتتىرمەس مىندەتتەردى ناقپا-ناق ايقىنداپ, ءوسىپ-وركەندەۋ باعىتىمىزدى جاڭعىرتىپ, ماقساتىمىزدى بيىكتەتىپ, قايراتىمىزدى قايراتقان جولداۋلارى ءاردايىم وزگەشە ەكەنىن بايقايمىن. نەنىڭ دە بولسا باعاسى سالىستىرا قاراعاندا كورىنەدى عوي. كۇنى كەشە عانا تاۋەلسىزدىگىمىزدى قالىپتاستىرۋ, ەكونوميكامىزدى تۇزەۋ, بولاشاعىمىزعا جول سالۋ كوزدەلسە, بۇل كۇندەگى وي-ارمان ودان سايىن اسقاق. ەلباسىمىز بۇگىن دامىعان 30 ەلدىڭ قاتارىنا كىرۋ جوسپارىن ۇسىنىپ, قازاقستاندىقتاردىڭ جاسامپازدىق ىستەردى تەرەڭدەتۋ ۇمتىلىسىنا جاڭا ۇشقىن ءتۇسىردى. بۇل يدەيا ءبارىمىزدى ورتاق تىلەككە, ءبىر مۇددەگە ۇيىستىرۋشى, سان ۇلت باسىن بىرىكتىرۋشى, ءجۇرەگىن قوسۋشى قاسيەتتى مۇرات تۇرعىسىندا اقيقاتقا اينالۋىنا ومىرىمىزدەگى قازىرگى كەلىستى كورىنىستەردىڭ ءوزى كۋا.
جولداۋدا اتاپ كورسەتىلگەندەي, بىلىكتى ماماندار دايارلايتىن وقۋ ورىندارىنا تالاپ كۇشەيە تۇسپەك. ءبىزدىڭ ۋنيۆەرسيتەت وسى مىندەت بيىگىنەن كورىنە ءبىلۋدى باستى ماقسات سانايدى. پرەزيدەنت ن.ءا.نازارباەۆ بەلگىلەپ بەرگەن «قازاقستان – 2050» ستراتەگياسىنا سايكەس وسكەلەڭ ۇرپاقتى زامان تالابىنا ساي ءبىلىم الۋعا, ەڭبەك ەتۋگە, ءتۇرلى جاڭاشىلدىقتاردى جەتە قابىلداپ, ەكشەي بىلۋگە جانە سونىڭ بارلىعىن ءوز وتانى يگىلىگى ءۇشىن جۇمساۋىنا مۇمكىندىك تۋعىزۋعا سان الۋان ءىس-ىزدەنىستەر جۇرگىزىلىپ كەلەدى. قىسقاشا توقتالا كەتكەندە, قازاقستان رەسپۋبليكاسىنىڭ 2011-2020 جىلداردا ءبىلىمدى دامىتۋ مەملەكەتتىك باعدارلاماسىنا سايكەس ۋنيۆەرسيتەت ءبىلىم بەرۋدىڭ حالىقارالىق ستاندارتتارىنا كەزەڭدىك كوشۋدى, يننوۆاتسيالىق تەحنولوگيالار مەن سمج قاعيدالارىن ۇستانا وتىرىپ, جوعارى كاسىپتىك جانە جوعارى وقۋ ورنىنان كەيىنگى ءبىلىم ساپاسىن جوعارىلاتۋدى, قوعامدىق ەكونوميكالىق بايلانىستى جانە ۇجىمدىق رۋحتى نىعايتۋدى جۇزەگە اسىرۋدا.
2004 جىلدان باستاپ, كرەديتتىك وقۋ تەحنولوگياسى ەنگىزىلىپ, 2007 جىلى كۇندىزگى ءبولىمنىڭ بارلىق ماماندىقتارى, 2008 جىلدان باستاپ سىرتتاي ءبولىم ماماندىقتارى تولىقتاي وسى جۇيەگە اۋىستى.
ۋنيۆەرسيتەت ەۋروپا كەڭەسىنىڭ كونۆەنتسياسىن ورىنداۋىنداعى اكادەميالىق مويىنداۋ جانە موبيلدىلىك بويىنشا ۇلتتىق اقپاراتتىق ورتالىقتار جەلىسىنىڭ (يۋنەسكو) حالىقارالىق كادرلار اكادەمياسىنىڭ قۇرامىنا ەندى. جوعارى دارەجەلى ماماندار دايىنداعانى ءۇشىن, سونداي-اق حالىقارالىق قاتىناستى نىعايتقانى ءۇشىن حالىقارالىق كادرلار اكادەمياسىنىڭ «ءبىلىم مەن عىلىمنىڭ دامۋىنا قوسقان ۇلەسى ءۇشىن» وردەنىمەن ماراپاتتالدى.
وقۋ ورنى قازاقستان پەداگوگيكالىق عىلىمدار اكادەمياسىنىڭ, رەسەي زاڭ عىلىمدارىنىڭ اكادەمياسىنىڭ مۇشەسى بولىپ تابىلادى. ۋنيۆەرسيتەت قازاقستاننىڭ بولون ۇدەرىسىنە قوسىلۋ باعدارلاماسىنىڭ اياسىندا قازاقستان رەسپۋبليكاسى ۋنيۆەرسيتەتتەرىنىڭ مەموراندۋمىنا (تاراز دەكلاراتسياسى) قول قويعان 15 جوعارى وقۋ ورىندارىنىڭ قاتارىنا ەندى. باكالاۆرلارمەن قاتار «زاڭ تانۋ», «ەكونوميكا», «اقپاراتتىق جۇيەلەر», «قازاق ءتىلى مەن ادەبيەتى» ماگيسترانتتارى دايارلانادى. سونداي-اق, وقۋ ورنىمىز جانىنان قۇرىلعان ورتالىق قازاقستان گۋمانيتارلىق, قۇقىقتىق, سالىستىرمالى جانە تاريحي-اعارتۋ عىلىمي-زەرتتەۋ ينستيتۋتتارى, «ميراس» ورتالىعى قىزمەتى ءبىراز جەرگە تانىمال. 1 ميلليوننان اسا قورى بار كىتاپحانا ادەبيەتتەر مەن وقۋلىقتارعا باي. ال «بولاشاق-باسپا» رەداكتسيالىق باسپا ءبولىمى وقۋ ۇدەرىسىنە قاجەتتى مونوگرافيا, وقۋ قۇرالدارىن جانە وقۋ-ادىستەمەلىك كەشەندەرىن باسىپ شىعارادى. قاسىم امانجولوۆ اتىنداعى «gasym.kz» ادەبي پورتالى, «ءتىل جانە رۋح», «ليموناد», «ەۆريكا» مادەني جانە عىلىمي-تانىمدىق جۋرنالدارى ستۋدەنتتەرىمىزدىڭ شىعارماشىلىق تالاپتارىن ۇشتاۋعا جول اشىپ ءجۇر.
جاسىراتىنى جوق, ءبىلىم بەرۋ سالاسىنداعى رەفورمالاردىڭ ءبارى بىردەي ناتيجەلى بولماسا دا ءبىراز وڭ وزگەرىستەردى جوققا شىعارۋعا بولمايدى. جاھاندانۋ زامانىندا ەشقانداي ەل توماعا-تۇيىق كۇيىندە, ءوزارا تاجىريبە الماسپاي, ءبىر-بىرىنەن ۇيرەنبەي ءومىر ءسۇرۋى مۇمكىن ەمەس. سوندىقتان دا الەمدىك ۇدەرىستەن شەت قالماۋ ءۇشىن وزىق تەحنولوگيانى ەنگىزۋ, باسقا دا جاڭارۋلاردى يگەرۋ ماقساتىندا رەفورمالار جۇرگىزۋ ۋاقىت تالابى.
باسەكەگە قابىلەتتى بىلىكتى ماماندار ازىرلەۋ ءۇشىن شەتەل وقۋ ورىندارىندا «بولاشاق» باعدارلاماسى بويىنشا جاستاردى وقىتۋ ەلىمىز دامۋىنا ۇلكەن اسەرىن تيگىزدى. قازىر دۇنيە جۇزىندەگى قانداي دا ءبىلىم ورداسىمەن يىق تەڭەستىرە الاتىن نازارباەۆ ۋنيۆەرسيتەتى سىندى ىرگەلى وقۋ ورنىمىز الىسقا تانىمال بولىپ وتىر. بارلىق وڭىرلەردە نازارباەۆ زياتكەرلىك مەكتەپتەرى اشىلۋدا. مىنە, وسىلار ءبىلىم بەرۋ ءىسىن حالىقارالىق ستاندارتتار دەڭگەيىنە كوتەرۋگە ۇلگى تانىتىپ وتىرسا, ۋنيۆەرسيتەتىمىزدىڭ دە وسىنداي بيىككە ۇمتىلۋعا مۇمكىندىگى بار. كۇندىزگى جانە سىرتتاي بولىمدەردە وقيتىن 5 مىڭعا تارتا ستۋدەنتتەر مەن ماگيسترانتتاردىڭ ساپالى ءبىلىم الۋىنا بارلىق جاعداي جاسالعان دەسەك, ارتىق ايتقاندىعىمىز ەمەس. ايماقتاعى ىرگەلى وقۋ ورنى بولىپ قالىپتاسۋىنا 16 جىل رەكتور بولعان زاڭ عىلىمدارىنىڭ دوكتورى, پروفەسسور, قر ۇعا كوررەسپوندەنت-مۇشەسى نۇرلان دۋلاتبەكوۆتىڭ سىڭىرگەن ەڭبەگى ەرەكشە ەكەنى كوپكە بەلگىلى. بۇعان ۋنيۆەرسيتەتىمىزدىڭ ەلىمىزدىڭ جوو-لارى اراسىنداعى جوعارى رەيتينگى ايعاق جانە اقش-تىڭ ايوۆا شتاتىنداعى لەكسينگتون مەن تۇركياداعى اتاتۇرىك ۋنيۆەرسيتەتتەرىمەن ىنتىماقتاستىق بايلانىس سونى كورسەتەدى.
ەلباسى جولداۋىندا «ءۇلگەرىمى جاقسى ستۋدەنتتەر مەن وقۋشىلاردى قولداۋدىڭ ءتيىمدى جۇيەسىن جاساۋ قاجەت» دەپ اتاپ كورسەتىلگەندەي, ۇزدىك وقيتىن, كوپ بالالى وتباسىلاردان شىققان, قوعامدىق ومىردە, مادەني جانە سپورتتىق شارالاردا كوزگە ءتۇسۋشى ستۋدەنتتەرگە بارىنشا كومەك كورسەتىلۋدە. گ ۇلىم ابىلعازينا سياقتى شاكىرتىمىز قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى شاكىرتاقىسىنىڭ يەگەرلىگىن ماقتان تۇتادى. تۇرمىسى تومەن وتباسىلار, جەتىم, جالعىزىلىكتى جەتكىنشەكتەردىڭ 60-قا جۋىعى ۋنيۆەرسيتەت رەكتورىنىڭ گرانتىمەن وقيدى. سونىمەن بىرگە, وقۋ ورنىمىز اتاعىن سپورتتاعى جەتىستىكتەرىمەن الىسقا تانىتۋشى قازان ۋنيۆەرسياداسىنىڭ سامبودان كۇمىس جۇلدەگەرى بەيىمبەت قانجانوۆ, وسى كۇرەس تۇرىنەن حالىقارالىق جارىستاردىڭ جەڭىمپازى ايدىن دارتاەۆ, اكادەميالىق ەسكەك ەسۋدىڭ شەبەرى سۆەتلانا گەرمانوۆيچ سىندى ساڭلاقتارىمىزدىڭ تالاپتارىن ۇشتاۋعا بارىنشا قولداۋ كورسەتىلەدى.
پرەزيدەنت ن.ءا. نازارباەۆ اتالعان ماڭىزدى قۇجاتتا ادامدارعا قامقورلىق – قوعام الدىنداعى پارىز ەكەنىن ەرەكشە اتادى. وسى نۇسقاۋعا سايكەس ۇجىم مۇشەلەرىنىڭ الەۋمەتتىك-تۇرمىستىق جاعدايىن ودان سايىن جاقسارتۋدى باستى ماقسات ساناپ وتىرمىز. بۇل كۇندە بالقاشتاعى دەمالۋ ورنىمىزدى كۇردەلى جوندەۋدەن وتكىزۋدى باستادىق. قالانىڭ الىس بولىكتەرىندە تۇراتىن وقىتۋشىلار مەن ستۋدەنتتەردى ۋنيۆەرسيتەتكە جەتكىزىپ, ۇيلەرىنە اپارىپ تاستاۋعا 3 اۆتوبۋس ءبولىندى. ستۋدەنتتەردىڭ ينتەرنەت جەلىسىنە تەگىن قوسىلۋ, ۋنيۆەرسيتەت بولىمدەرىنە تەگىن قالاارالىق قوڭىراۋ شالۋ, ينديۆيدۋالدى تۇردە وقىتۋ ءاربىر ستۋدەنتكە ءوزىنىڭ قابىلەتتىلىگىن ارتتىرۋعا مۇمكىندىك بار.
اقىلى تۇردە وقيتىن ستۋدەنتتەر ءۇشىن ءتيىمدى جەڭىلدىكتەر تۇرلەرى قاراستىرىلعان. ەلباسى جولداۋىندا العا قويىلعان مىندەتتەردى قالتقىسىز ورىنداۋدىڭ باسقا دا شارالارى قولعا الىنىپ جاتىر.
«ءجۇز جىلدىعىن ويلاعان – ادام تاربيەلەيدى» دەيدى حالىق دانالىعى. وتىزدىققا ەنۋ ىرگەتاسىن بەرىك ەتەتىندەر وزىق ويلى, جوعارى مادەنيەتتى, وتانسۇيگىش ازاماتتار. ءبىزدىڭ ەڭ اسىل ماقسات-مۇددەمىز سونداي جاستار تاربيەلەۋ ءىسىن جاقسارتىپ, قاتارلارىن مولايتا بەرۋ دەگىم كەلەدى.
قۇرالباي مەڭلىباەۆ,
قاراعاندى «بولاشاق» ۋنيۆەرسيتەتىنىڭ رەكتورى.
قاراعاندى.
