توقسان مينۋتقا سوزىلعان كەلىسسوزدەردەن كەيىن سەرگەي لاۆروۆ پەن دميتري كۋلەبا ءباسپاسوز ءماسليحاتىن وتكىزىپ, كەلىسسوزدىڭ ناتيجەسىز اياقتالعانىن حابارلادى.
«ۋكراينا تاراپى ماريۋپولگە دەيىن جانە ماريۋپولدە گۋمانيتارلىق ءدالىز قۇرۋدى, بەيبىت تۇرعىنداردىڭ گۋمانيتارلىق ماسەلەلەرىن شەشۋ ءۇشىن كەم دەگەندە ءبىر تاۋلىككە اتىستى توقتاتۋدى ۇسىنعان بولاتىن. رەسەي تاراپى بۇعان كەلىسپەدى. مەن كەلىسسوزدەردى جالعاستىرۋعا دايىنمىن», دەدى دميتري كۋلەبا.
بۇدان سوڭ ءسوز العان سەرگەي لاۆروۆ: «رەسەي ۋكرايناعا شابۋىل جاساعان جوق جانە وزگە ەلدەرگە قاۋىپ ءتوندىرۋ تۋرالى جوسپارى جوق. كەرىسىنشە كيەۆ دونەتسك پەن لۋگانسك حالىق رەسپۋبليكالارىنا شابۋىل جاساماق بولدى», دەدى ول قارسى تاراپتى ايىپتاي سويلەپ.
وسىلايشا الەم جۇرتى اسىعا كۇتكەن كەلىسسوزدە تاراپتار كەلىسىمگە كەلە المادى.
